SALMOS 67:6 - Dios Rimashcata Quillcashcami

⁶ Allpapica granomi pucunga. Ñucanchic Diosmi bendicianga.

SALMOS 67:6 Referans Kwoze

LEVÍTICO 26:4

tamyana punzhacunapimi tamyachisha. Chashna tamyachicpica, allpapica alli granomi pucunga. Yuracunapish sumac micunatami pucunga.

JEREMÍAS 31:33

Shamuc punzhacunapica israelcunahuan ari nishcaca cashnami canga: Ñuca mandashcataca paicunapac shungupi churashpami, paicunapac yuyaipi quillcasha. Ñucaca paicunapac Diosmi casha, paicunaca ñuca acllashcacunami canga.

ÉXODO 3:15

Cutinllatac Diosca Moisestaca: —Israelcunataca: “Cancunapac ñaupa taita Abrahampac, Isaacpac, Jacobopac Mandac Diosmi cancunapacmanca cacharca” ningui. Cai shutica huiñaipacmi can. Cai shutitami huiñaita ricsinga.

GÉNESIS 17:7

Canhuanpish, cambac huahua huahuacunahuanpishmi ari nishcata callarichisha. Cambacpish, cambac huahua huahuacunapacpish Dios cangapacmi, huiñaipac ari nisha.

JEREMÍAS 31:1

Mandac Diosca: «Chai huatacunapica ñucaca tucui Israel aillucunapac Diosmi casha. Paicunaca ñuca acllashcacunami canga» ninmi.

ISAÍAS 1:19

Ñuca rimashcata cancuna uyashpaca, cai allpapi sumac pucushca granocunatami micunguichic.

SALMOS 48:14

Sumac Diosca huiñai huiñaipac ñucanchic Diosmari. Paimi huiñaita ñucanchictaca pushanga.

LEVÍTICO 25:19

Chai llactapica allpapish sumaimana granotami pucunga. Shina pucucpica, huicsa pacta micushpami, mana manchashpa causanguichic.