SALMOS 61:2 - Dios Rimashcata Quillcashcami

² Ñuca shungu huañugricucpica, allpa tucurimantami canta caparisha. Ñucataca yalli jatun rumi jahuaman pushaiyari.

SALMOS 61:2 Referans Kwoze

SALMOS 18:2

Mandac Dioslla, jatun rumimari cangui. Ñucata cuidashpa, llaquimantapish quishpichicmi cangui. Ñuca Dioslla, muyundita jarcac jatun pirca shinami cangui. Canpimi miticusha. Ñucata jarcac escudomi cangui. Tucuimanta yalli jatun ñuca miticunamari cangui. Ñucata quishpichicmi cangui.

ISAÍAS 32:2

Chai jatun mandacca sinchi huairamanta, acapana huairamanta jarcac shinami canga. Chaquishca pambapi yacu llucshicuc shina, yallita rupai llandurina rumi shinami canga.

SALMOS 62:6

Paillami ñuca quishpichicpish, ñuca jarcarina jatun rumipish can. Paimi ñuca miticuna can, pi mana urmachingachu.

SALMOS 77:3

Diosta yuyarishpami yallita llaquirishpa huacani. Chashna yuyarishpa llaquiricucllapitacmi ñuca almaca huañun.

SALMOS 62:2

Paica ñuca quishpichicmi, ñuca jarcarina jatun rumimi. Chaimantami pipish mana urmachinga.

SALMOS 18:46

¡Mandac Diosca causacunmi! ¡Ñuca jarcarina jatun rumica alli nishca cachun! Ñucata quishpichic Diosca jatunyachishca cachun.

DEUTERONOMIO 4:29

Shina cashpapish, chai llactacunapi cashpa, tucui shunguhuan, tucui yuyaihuan Mandac Diosta mañashpaca taringuichicmi.

SALMOS 27:5

Llaqui punzhacunapica paihuan tupana huasipimi huacaichinga. Paipaclla chicanyachishca ucupimi pacanga. Jatun torre jahuapimi churanga.

SALMOS 142:3

Llaquihuan ñuca shungu paquiricpica, canmi ñuca ñanta yachangui. Ñuca purina ñanpimi linchita churarcacuna.

SALMOS 40:2

Paimi ñucataca llaquihuan jutcupi huañucucta llucchirca. Ñucata aguachicuc guzumantami llucchirca. Chaimanta llucchishpaca ñuca chaquicuna sinchita purichunmi jatun rumi jahuapi churarca.

ISAÍAS 54:11

Mandac Diosca: «¡Jerusalenlla, canca huairahuan, tamyahuan llaquichishcami pipish mana cushichishca llaquilla causangui! Ñucami cantaca callaripi turquesa rumicunata churashpa shayachisha. Pircata callaringapacca zafiro rumicunatami churasha.

SALMOS 55:5

Yallita manchai pillushpa charicuc shina cacpimi chucchucuni.

SALMOS 143:4

Ñucapi cac almaca yallita llaquihuanmi huañucun. Ñuca shunguca llaquihuanmi upayashca.

SALMOS 43:5

Ñuca almalla, ¿ima nishpatac shaicushpa, ñuca ucupi llaquiricunguiyari? Diosta alabanaracmi cani. Chaimanta paita shuyailla. ¡Paica ñuca Diosmi, ñuca quishpichicmi!

SALMOS 42:6

Ñuca Dioslla, ñuca almaca llaquihuan shaicushcami. Chaimantami canta yuyarini. Jordán yacu cuchu llactamanta, Hermón urcumanta, Mizar urcumantami canta yuyaricuni.

SAN LUCAS 22:44

Jesús yalli llaquihuan cashpami, ashtahuan Diosta mañarca. Jumbipish yahuar shinami pambaman shuturca.

SALMOS 17:1

Mandac Dioslla, uyaiyari. Ñucaca cashcallatami mañani. Ñuca caparishpa mañashcata uyaiyari. Cai mañashcacunaca mana llullachu.