SALMOS 60:12 - Dios Rimashcata Quillcashcami

¹² Dios-huanca jatun mancharinacunatami ruhuashun. Paimi ñucanchicta piñaccunata sarunga.

SALMOS 60:12 Referans Kwoze

SALMOS 44:5

Can ayudacpimi, ñucanchicta piñaccunataca mishashun. Cambac shutipimi ñucanchicta piñaccunataca sarushun.

JOSUÉ 1:9

Riqui cantaca sinchi, cari cari cai nishpami mandani. Ama manchaichu, ama shaicuichu. Canta Mandac Dios ñucaca can maita ricpipish, canhuanmi casha» nirca.

ISAÍAS 63:3

Ñucallami uvasta cutanapica uvasta sarucurcani. Gentepuramanta pi mana ñucahuan carcachu. Yallita piñarishpami sarucurcani. Chashna sarucucpimi, ñuca churanapi paicunapac yahuar chiraparishpa, tucui churanata cahuirca.

APOCALIPSIS 19:15

Cai pachapi causaccunata llaquichingapacmi, paipac shimimantaca puntasapa espada llucshicurca. Fierro varahuanmi paica mandanga. Tucui poderta charic Diosca munai piñarishcamantami, uvasta chaquihuan sarushpa llapishpa, vinota ubiachic shina llaquichinga.

MALAQUÍAS 4:3

Chai punzhapica mana allita ruhuac runacunataca cancunami sarunguichic. Paicunaca, cancunapac chaqui pamba ucupica, uchupa shinami canga.

1 CRÓNICAS 19:13

Ñucanchic llactamantapish, ñucanchic Mandac Diospac pueblomantapish mana manchashpa sinchita macanacushunchic. Mandac Diosca pai munashca shina imatapish ruhuachun» nirca.

ZACARÍAS 10:5

Mandac Dios ñucami paicunahuanca casha. Chaimantami paicunaca sinchi soldado piñaccunata saruc shina sinchi runacuna canga. Caballocunapi ric soldadocunaca pingaichishcami canga.

ISAÍAS 10:6

Ñucata mana manchac, ñucata piñachic llactata, ñuca piñashca gentecunata llaquichichunca paitami cachasha. Chashna cachacpimi, tucui charishcacunata quichushpa, ñanpi siric turuta shina sarunga.

SALMOS 144:1

Ñuca miticuna jatun rumi shina Mandac Diosca alli nishca cachun. Paimi ñuca maquitapish, dedotapish jatun macanacuipi macanacuchun yachachin.

SALMOS 118:16

Mandac Diospac alli maquica jahuaman churashpa alli nishcami. Mandac Diospac alli maquica aticunllami.

2 SAMUEL 10:12

Ñucanchic llactamantapish, ñucanchicta Mandac Diospac pueblocunamantapish sinchita macanacushunchic. Ama manchaichu. Mandac Dios pai munashca shina ruhuachun» nirca.

JOSUÉ 14:12

Chai punzhapi Mandac Dios nishca shinallatac chai urcucunataca ñucaman cuiyari. Chai punzhacunapica canllatacmi chai llactapi anaquitacuna causashcata, pueblocunapish muyundi pircashca cashcata, jatun pueblocuna cashcatapish uyarcangui. ¡Shina cacpipish, Mandac Dios nishca shina, pai ñucahuan cashcamantaca chai runacunataca chai pueblocunamanta llucchishpa cachashallami!— nirca.

SALMOS 44:10

Ñucanchictaca piñaccunapac ñaupamanta manchashpa, callpachunmi saquishcangui. Ñucanchicta mana ricunayachiccunapish, tucui charishcacunatami apancuna.