SALMOS 6:7 - Dios Rimashcata Quillcashcami

⁷ Huacacucllapitacmi ñahuipish amsayan. Ñucata piñaccuna huacachicpimi, ñuca ñahuica amsayashpa ña mana ashtahuan ricun.

SALMOS 6:7 Referans Kwoze

SALMOS 38:10

Ñuca shunguca llaquihuan saltacunmi. Fuerzatapish ña mana charinichu. Ñuca ñahuipish amsayanmi.

JOB 17:7

Ñuca ñahuicunaca yallita llaquihuan cashpami amsayashca. Tucui ñuca cuerpoca llandu shinallami.

LAMENTACIONES 5:17

Chaimantami ñucanchic shungupish chiriyashca. Ñucanchic ñahuipish amsayashcami.

SALMOS 88:9

Yallita llaquihuan huacacucllapitacmi ñuca ñahuipish mana ricun. Mandac Dioslla, punzhantami maquita huichai chutashpa cantaca mañani.

SALMOS 32:3

Ñuca juchacunata Diosman mana huillashpa yallita llaquiricpica, punzhantami ñuca tullucunaca maucayashpa catirca.

2 REYES 20:3

«Mandac Dioslla, cantami mañani. Cambac ñaupapi mana llullashpa, tucui shunguhuan canta cazushpa causashcataca yuyariyari» nirca. Shina nishpami Ezequiasca yallita cuillata huacarca.

JOB 7:3

Cashnami maijan quillacunata jatun llaquita apacuni. Ñucaca tutantami llaquicunata apacuni.

SALMOS 69:4

Ñucata yanga piñaccunaca ñuca acchatapish yallimi mirashca. Ñucata yanga llaquichiccunaca ashtahuanmi sinchiyashcacuna. ¡Manapish shuhuashca cashpami paimanca cutichishcani!

JEREMÍAS 45:3

“Canca: ‘¡Aij, ñucalla! Mandac Diosca ñuca llaquihuan cacpipish, ashtahuan llaquichinmi. Huacacushpalla shaicushcami cani, mana samarinichu’ nicunguimi” ninmi.