SALMOS 6:6 - Dios Rimashcata Quillcashcami

⁶ Ñucaca yallita huacashpami shaicushca cani. Tucui tuta yallita huacashpami, huiquihuan saunatapish, camatapish jucuchini.

SALMOS 6:6 Referans Kwoze

SALMOS 69:3

Cunga nanangacaman caparishpami, yallita shaicushcapish cani. Ñuca Diosta shuyacucllapimi ñahuipish amsayan.

SALMOS 42:3

Tutapish, punzhapish huacashpami huiquillata micucuni. Punzhantami ñucataca: «¿Maipitac cambac Diosca?» nishpa llaquichincuna.

SALMOS 38:9

Jatun Dioslla, ñuca tucui ima munashcataca yachanguimi. Ñuca shungu llaquiricushcaca mana pacallachu can.

LAMENTACIONES 2:11

Ñuca llactapi causac huahuacunapish, chuchucuc huahuacunapish pambacunapi yarcaihuan huañuna shina siricucpimi, yallita huacani. Chashna huacacucllapitacmi huiquipish mana tiyan. Ñuca shungupish cuyurishpa, pambaman urmanalla shina tucun.

LAMENTACIONES 1:16

Chaimantami ñucaca huacacuni. Ñuca shunguta causachic shina, cushichicca pipish mana tiyanchu. Chaimantami ñuca ñahuitaca huiqui tapashcalla. Ñucata piñaccuna, ñucata atishcamantami ñuca huahuacunapish shitashca saquirirca.

LAMENTACIONES 1:2

Tuta yallita huacacpimi, ñahui quingraita huiqui urmacunlla. Tucui paita cuyaccunamantaca pipish mana cushichinchu. Tucui paipac ricsishcacunaca cunanca piñanmi.

JOB 23:2

«Cunanpish llaquihuanmi rimasha, ñuca llagacunaca, ñuca huacaitapish yallimi nanacun.

JOB 16:20

Ñucamanta rimaccunaca ñuca ricsishcacunallatacmi. Ashtahuanpish Diospac ñaupapimi huiquita urmachishpa mañasha.

JOB 7:3

Cashnami maijan quillacunata jatun llaquita apacuni. Ñucaca tutantami llaquicunata apacuni.

SAN LUCAS 7:38

Chashnami Jesuspac huashata shamushpa, cungurishpa, huacashca huiquihuan chaquita jucuchirca. Chaimantaca acchahuan chaquichishpami, chaquipi mucharca. Shinallatac pai apamushca mishquilla ashnacuctami Jesuspac chaquipi churarca.

JEREMÍAS 14:17

Canca gentecunataca: “Carihuan manarac chayarishca soltera shina, ñuca llactapi causaccunataca yallita llaqui japishcamanta, paicunapac nanai yalli sinchi cashcamantami ñuca ñahuimantaca tutapish, punzhapish huiquica shutucungalla.

SALMOS 88:9

Yallita llaquihuan huacacucllapitacmi ñuca ñahuipish mana ricun. Mandac Dioslla, punzhantami maquita huichai chutashpa cantaca mañani.

SALMOS 39:12

Mandac Dioslla, ñuca mañashcata uyaiyari. Ñuca caparicushcata uyaiyari. Ñuca huacacucta ricushca jahuaca ama upalla saquirichu. Cambac ñaupapica puric shinallami cani. Ñuca ñaupa taitacuna shina shamushcallami cani.

JOB 10:1

Cai causaihuanca ñami shaicushca cani. Mana manchashpami aij nicushalla. Ñucaca almahuan llaquirishpami huillacushalla.

SALMOS 30:10

Mandac Dioslla, ñucata llaquishpa mañashcata uyaiyari. Mandac Dioslla, ñucata ayudaiyari» nishami.

SALMOS 88:11

¿Can llaquic cashcataca enterrashca caccunaca parlanacungachu? ¿Abadonpi caccunapish can cashcata nic cashcataca yuyaringachu?

SALMOS 115:17

Huañushcacunapish, upalla cangapac urai riccunapish Mandac Diostaca mana alabai pudincunachu.

ISAÍAS 38:18

Seolpi caccunaca cantaca mana pagui nincunachu. Huañushcacunaca cantaca mana alabancunachu. Enterrana jutcuman riccunapish can pactachinataca mana shuyanchu.