SALMOS 59:11 - Dios Rimashcata Quillcashcami

¹¹ Ñuca llacta gentecuna ama cungarichunca paicunataca ama huañuchinguichu. Cambac poderhuan maita cachashpa llaquichiyari. Can Mandac Diosca ñucanchic jarcarina escudomi cangui.

SALMOS 59:11 Referans Kwoze

SALMOS 3:3

Ashtahuanpish Mandac Dioslla, escudo shinami ñuca muyundita jarcangui. Canca sumaimana cushichicmi cangui. Ñuca umata alzachishpa sinchiyachicmi cangui.

APOCALIPSIS 9:6

Chai punzhacunapica ima shinapish huañunatami gentecunaca yuyanga. Shina yuyacushpapish mana huañungacunachu. Paicuna huañuita munacucpipish, huañuica mana chayangachu.

SAN LUCAS 21:21

Judea llactapi caccunaca urcucunapi miticugrichun. Jerusalenpi caccunapish llucshishpa richun. Chagrapi caccunapish ama cutichun.

SALMOS 52:5

Chaimantami Diosca cantaca causaita quichushpa huiñaipac chingachishpa, cambac huasi ucupuramanta anchuchinga. Cai pachapi causaccunapuramanta sapimanta llucchic shinami cantaca chingachinga.

JOB 40:12

Cambac ricuillahuan jatun tucushcacunata cumurichiyari. Diosta mana manchaccunataca, paicuna tiyacuc pushtullapitac saruiyari.

DEUTERONOMIO 28:64

Mandac Diosmi cancunataca cai pacha callari llactamanta tucuri llactacaman tucui llactacunata shic-huashpa cachanga. Chaipica caspimanta, rumimanta ruhuashca, cancunapac taitacunapish mana ricsishca dioscunatami adoranguichic.

DEUTERONOMIO 4:27

Mandac Diosmi tucui cancunataca shuctac llactacunaman shic-huashpa cachanga. Shina ruhuacpica, ashallami saquiringuichic.

SALMOS 106:27

Shinallatac pai acllashcacunapac huahua huahuacunata caita chaita shuctac llactaman cachashpa pingaichingapacmi chashnaca ruhuarca.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

SALMOS 84:9

Ñucanchic escudo shina Dioslla, aceitehuan cahuishca cambac jatun mandactaca ricuraiyari.

SALMOS 44:11

Ovejata shinami huañuchicpac maquipi churangui. Shuctac llactacunamanmi caita chaita cachangui.

DEUTERONOMIO 4:9

Chaimanta alli cuidaringuichic. Cambac ñahuihuan ricushcacunata ama cungarishpa, yuyarashpa causanguichic. Tucui causaipi cambac shungupi huacaichishca shina causaichic. Huahuacunamanpish, nietocunamanpish yachachinguichic.

LEVÍTICO 26:33

Cancunataca espadahuan llaquichishpami caita chaita catishpa cachasha. Cancunapac causana llactaca shitashcami saquiringa. Cancunapac causana pueblocunapish llaquinayaitami tucuchishca saquiringa.

ECLESIASTÉS 9:5

Causaccunaca huañuna cashcataca yachanmi. Ashtahuanpish huañushcacunaca imata mana yachanchu. Imata japinatapish mana charinchu. Paicunataca pipish mana yuyarinchu.

1 SAMUEL 24:5

Saulpac jahualla churanata ashata pitishcamantami Davidca paipac shungupi yallita llaquirirca.

SALMOS 118:7

Mandac Diosca ñucahuanmi, ñucata ayudacmi can. Chaimanta ñucata mana ricusha nic gentecunataca ñuca munashca shina llaquita apacuctami ricusha.