SALMOS 58:3 - Dios Rimashcata Quillcashcami

³ Diosta mana manchac millai runacunaca mamapac huicsapi tiyarishcamanta pachami Diosmanta anchurircacuna. Sajuarishcamanta pachami llullashpa chingarircacuna.

SALMOS 58:3 Referans Kwoze

SALMOS 51:5

Ñuca mamapac huicsamanta pachami juchayuc cashcani. Ñuca mamaca juchayuctami huicsayuc tucushca.

ISAÍAS 48:8

Caicunata manarac uyashpa, manarac ricsishpami causarcanguichic. Cancunapac ringrica mana alli uyacchu carca. Ñucaca cancuna mana cazugricushcataca yacharcanimi. Chaimantami mamapac huicsapi cacpirac “mana cazuccunami canguichic” nircani.

PROVERBIOS 22:15

Mosocunapac shungupica yuyai illac canaca aichayashca shinami. Ashtahuanpish anguhuan macashpa yachachicpica, paimanta anchuringami.

EFESIOS 2:3

Shinallatacmi tucui ñucanchicpish ñaupaca quiquin munaita, cai pacha jucha munashcallata, ñucanchic yuyarishcallata ruhuashpa causarcanchic. Chashna juchata ruhuashcamantami, caishuc mana allita ruhuaccuna shinallatac ñucanchicpish Dios llaquichishca cana carcanchic.

JOB 15:14

¿Runaca mapa illac cangapacca imatacyari? Huarmimanta huacharishca runaca ¿ima shinatac allita ruhuac cashcaca ricuringayari?

ISAÍAS 46:3

Mandac Diosca: «Jacobopac huahua huahuacunalla, israelpuramanta maijan saquirishcacunalla uyaichicyari. Ñucami mamapac huicsapi cacpirac cuidashpa charini. Manarac huacharicpimi, marcac shina pushamurcani.

SALMOS 22:10

Manarac sajuarishpa ñuca mamapac huicsapi cashparacmi cambac maquipi mingashca carcani. Canca ñuca Diosmi cangui.

SALMOS 55:10

Tutai punzhami jatun pirca jahuata ricushpa muyuncuna. Pueblo ucupica millaita ruhuaccuna, llaquichiccunami jundashca.

MIQUEAS 2:1

¡Aij, millaillata yuyashpa causaccunalla! ¡Sueñushpa ima millaita ruhuanata yuyariccunalla! Ña pacarimucpica, paicuna yuyarishca shinallatacmi ruhuan. Paicunaca sinchi mandac cashpami chashna ruhuan.