SALMOS 57:9 - Dios Rimashcata Quillcashcami

⁹ Jatun Dioslla, tucui gentecunapac chaupipimi canta alabasha. Tucui llactacunapac chaupipimi salmocunata cantasha.

SALMOS 57:9 Referans Kwoze

SALMOS 96:3

Pai sumaimana cashcataca tucui llactacunapi huillaichic. Pai mancharinacunata ruhuashcataca shuctac gentecunaman parlaichicyari.

SALMOS 18:49

Chaimantami Mandac Dioslla, tucui llacta gentecunaman canmanta huillasha. Cambac shutitaca salmocunahuanmi cantacushalla.

SALMOS 138:1

Mandac Dioslla, ñucaca tucui shunguhuanmi cantaca pagui nini. Shuctac dioscunapac ñaupapimi cantaca salmocunahuan cantasha.

SALMOS 2:1

¿Imamantatac llactapi causaccunaca caparicuncuna? ¿Imamantatac gentecunaca manapish canata yuyarincuna?

ROMANOS 15:9

Cristoca Dios quillcachishcapi nishca shina, mana israelcunatapish Diosta alli nichunmi shamurca. Dios quillcachishcapica: «Chaimantami tucui llactacunapi canta pagui nisha. Cambac shutitapish cantashami» ninmi.

JUECES 5:12

¡Deboralla ricchariyari! Riccharishpa sumac cantota Diosman cantaiyari. ¡Abinoampac churi Baraclla, jatarishpa canta piñaccunata prezushpa apaiyari!

SALMOS 43:4

Cambac altar cuchumanmi yaicusha. Canca ñucata cushichic Diosmi cangui. Ñuca Dioslla, arpapi tocashpami alli nisha.