SALMOS 57:6 - Dios Rimashcata Quillcashcami

⁶ Ñuca purina ñanpica tucllallatami churarcacuna. Ñuca almaca llaquihuanmi shaicushca. Ñuca ñaupapimi jatun jutcuta ruhuancuna. Chaipica paicunallatacmi urmancuna.

SALMOS 57:6 Referans Kwoze

SALMOS 145:14

Mandac Diosca tucui urmashcacunatami charicun. Llaquichishcacunatapish tucuitami jatarichin.

MIQUEAS 7:2

Cai pachapica llaquicpish, cashcata ruhuacpish mana tiyanchu. Tucui runacunami huañuchinata munan. Tucui runacunami shuctac runacunata huañuchingapac tucllata churan.

PROVERBIOS 28:10

Allita ruhuaccunata pandachishpa, mana alli ñanpi churac runaca paillatac allashca jutcullapitacmi urmanga. Ashtahuanpish allita ruhuaccunaca allicunatami japinga.

SALMOS 140:5

Chai jatun tucushca gentecunaca ñucata urmachingapacmi linchitapish, chacnarina huascacunatapish churashca. Ñuca ñan cuchupimi chacnarishpa urmanata churashca.

PROVERBIOS 29:5

Paihuan apanacuc runata alli nic runaca chai runa purina ñanpi tucllata churac shinami.

SALMOS 142:3

Llaquihuan ñuca shungu paquiricpica, canmi ñuca ñanta yachangui. Ñuca purina ñanpimi linchita churarcacuna.

SALMOS 143:4

Ñucapi cac almaca yallita llaquihuanmi huañucun. Ñuca shunguca llaquihuanmi upayashca.

SALMOS 42:6

Ñuca Dioslla, ñuca almaca llaquihuan shaicushcami. Chaimantami canta yuyarini. Jordán yacu cuchu llactamanta, Hermón urcumanta, Mizar urcumantami canta yuyaricuni.

NÚMEROS 14:21

Ñuca shutipimi nini. Ñuca causacushca shinallatacmi ñucapac sumaimana achicca cai pachapipish jundami can.

1 CRÓNICAS 29:10

David tucui tandanacushcapac ñaupapi Mandac Diosta alli nishpaca: «¡Ñucanchic ñaupa taita Israelpac Mandac Dioslla, cantaca huiñaita alli nishca cachun!

1 CRÓNICAS 29:11

Mandac Dioslla, jatun canapish, tucuita ruhuanapi sumaimana canapish, tucui mandanapish, tucuipac alli nishca canapish cambacmi. Jahua pachapi ima tiyashcapish, cai pachapi ima tiyashcapish cambacmi. Mandac Dioslla, tucuita mandanapish cambacmi. Tucuita yallimi cangui.

SALMOS 8:2

Canta piñaccunata, cariyaccunataca, uchilla huahuacuna, chuchucuc huahuacuna cantashcahuanmi upallachingui.

SALMOS 108:6

Can cuyashcacunataca cambac alli maquihuan llaquimanta quishpichiyari. Ñuca mañashcata uyashpa quishpichiyari.