SALMOS 55:2 - Dios Rimashcata Quillcashcami

² Llaquihuan cashpa mañashcata uyashpa chashquiyari. Yallita llaquihuan cashpami yuyai illac shina cani.

SALMOS 55:2 Referans Kwoze

ISAÍAS 38:14

Golondrina shina, grulla animalcuna huacac shinami huacacuni. Paloma shinami llaquirishpa huacacuni. Ñuca ñahuihuanca huichai ricucunillami. Mandac Dioslla, yalli llaquihuanmi cani. Chaimanta ayudaiyari.

SALMOS 66:19

¡Ashtahuanpish Diosca uyarcatacmi! Ñuca mañashpa rimashcata uyarcatacmi.

SALMOS 77:3

Diosta yuyarishpami yallita llaquirishpa huacani. Chashna yuyarishpa llaquiricucllapitacmi ñuca almaca huañun.

SALMOS 64:1

Dioslla, ñuca mañashcata uyaiyari. Ñucata piñaccuna ama manchachichun cuidaiyari.

ISAÍAS 59:11

Tucui ñucanchicmi osocuna shina huacacunchic. Palomacuna shina, llaquillata huacacunchic. Cashcata ruhuachun shuyacucpica, pi cashcata ruhuacca mana tiyanchu. Quishpichicca ñucanchicmanta carupimi.

SALMOS 43:2

Pueblo muyundita pircashca shina jarcac Diosmi cangui. ¿Ima nishpatac ñucallata saquinguiyari? ¿Ima nishpatac ñucata piñaccuna yallita llaquichicpi, llaquirishpa puricushayari?

SALMOS 38:6

Ñucaca yallita llaquirishpami aruyashpa puricuni. Yana churanata churarishca shinami punzhanta puricuni.

SALMOS 32:3

Ñuca juchacunata Diosman mana huillashpa yallita llaquiricpica, punzhantami ñuca tullucunaca maucayashpa catirca.

SALMOS 17:1

Mandac Dioslla, uyaiyari. Ñucaca cashcallatami mañani. Ñuca caparishpa mañashcata uyaiyari. Cai mañashcacunaca mana llullachu.

LAMENTACIONES 3:56

Ñuca mañashcataca uyarcanguimi. Ñuca caparishpa mañashcata uyaiyari.