SALMOS 55:12 - Dios Rimashcata Quillcashcami

¹² Ñucata piñac runa ñucata llaquichishca cacpica, llaquita apaimanllami carcani. Ñucata mana ricunayachic llaquichingapac jatarishca cacpica, miticuimanllami carcani.

SALMOS 55:12 Referans Kwoze

SALMOS 41:9

Ñucahuan alli apanacuc, ñucahuan micuc, ñuca shunguta churashca runallatacmi ñucapac contra jatarirca.

SAN JUAN 13:18

Mana tucui cancunamantachu nicuni. Maijanlla ñuca acllashca cashcataca yachanimi. Dios quillcachishcapi: “Ñucahuan micucucllatacmi ñucataca piñanga” nishca pactachunmi, chashnaca tucunga.

SALMOS 35:26

Ñuca llaquihuan cacpi, cushicuccunaca pingaichishca, muspachishca cachun. Ñucata piñashpa jatun tucuccunaca pinganayaipac churanata churarishca shina musparichun.

ISAÍAS 10:15

¿Hachaca yantata chictac runata yallichu canga? ¿Serruchopish cuchuc runataca yallichu canga? ¡Shina cashpaca, tauna caspipish paita apacuc runata apanmanmi! ¡Shinallatac ñañu varapish, racu caspita apanmanmi!

SALMOS 38:16

Ñucaca: «Ama ñucamanta cushicuchuncuna. Ñuca urmacta ricushpa ama jatun tucuchuncuna» nircanimi.