SALMOS 53:1 - Dios Rimashcata Quillcashcami

¹ Mana entendic runaca: «Diosca mana tiyanchu» nishpami yuyan. Tucuimi millana juchacunata ruhuashpa ismushca shina tucushcacuna. Shucllapish allita ruhuacca mana tiyanchu.

SALMOS 53:1 Referans Kwoze

SALMOS 10:4

Millaita ruhuacca ñahui shuctacyashpa jatun tucushpami Diostaca mana mashcan. Paica Dios mana tiyashcatami yuyan.

ROMANOS 1:28

Diosca, paimanta yachanata mana munacpimi, manapish caipaccunata ruhuachun, paicunapac yuyaipi millai junda cachun saquirca.

SAN LUCAS 12:20

Ashtahuanpish Diosca: “Yuyai illac runa, cunan tutallatacmi huañungui. Cai tucui huacaichishcacunaca, ¿pipactac canga?” nirca.

JOB 15:16

Yacuta ubiac shina mana allita ruhuac runaca, ¿maitatac alli ricuringayari?

1 REYES 14:24

Chashnallatac allitami ruhuacunchic nishpami chai llactapi causac caricunaca huarmicunahuan sueñuc shinallatac caripura huaclliriccuna carca. Israelcunapac ñaupamanta Mandac Dios llucchishpa cachashca millai gentecuna ruhuashpa causashca shinallatacmi, paicunapish ruhuarca.

1 PEDRO 4:3

Cancunaca tauca huatacunatami Diosta mana ricsiccuna shina, mana allicunallata ruhuashpa, imapish mapa munaicunata ruhuashpa, jatun micuicunata micushpa, machashpa, shinallatac millanayai ruhuashcalla dioscunata adorashpa, mana allita ruhuashpa causarcanguichic.

EFESIOS 5:12

Paicuna pacalla imatapish ruhuashcata rimanataca pinganayanmi.

SAN MATEO 5:22

Ashtahuanpish ñucaca: Maijanpish piñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish imatapish rimactaca, ucu pacha ninaman shitana nishcami canga ninimi.

SALMOS 10:13

¿Ima nishpatac millaita ruhuac runaca Diostaca mana ricunayachin? Paipac shungupica: «Diosca imata mana ruhuangachu» nishpami yuyan.

SALMOS 10:11

Paipac shungupica: «Diosca cungarishcami. Paipac ñahuica tapashcami. Jaicapi manatac ricungachu» nishpami yuyan.

SALMOS 10:6

Paipac shungupica: «Ñucaca jaicapi mana urmashachu. Huiñaitami ima llaquipish mana japinga» nishpami yuyan.

JOB 14:4

¿Pitac mana allita ruhuashcataca pichai pudingayari? Chaitaca pi mana ruhuai pudinchu.

1 REYES 12:26

Chai quipami, Jeroboamca paipac shungupica: «Cunanca, ñuca mandacuc cai llactaca cutinmi Davidpac huahua huahuapurallamantac cutinga.

DEUTERONOMIO 12:31

Mandac Dios-huanca ama chashna ruhuanguichicchu. Mandac Diosca paicuna ruhuashcataca mana ricusha ninchu. Paicunapac dioscunamanca millana mana allicunatami ruhuarca. Paicunapac churicunatapish, ushicunatapish paicunapac dioscunaman cushpami rupachirca.

ROMANOS 1:21

Diosta ricsishpapish, mana Diosta shinachu alli nircacuna, mana pagui nircacunachu. Ashtahuanpish yangallata yuyashpami, paicunapac shunguca imata mana entendic tucurca.

EZEQUIEL 16:51

Canca yallitami juchallircangui. Canhuan ricucpica, Samaria llactaca ashallatami juchallirca. Cambac juchacunahuan ricucpica, Samaria llactapac juchacunaca mana ima ricurinchu.

EZEQUIEL 16:47

Canca paicuna shinami, millaita ruhuarcangui. Chai ruhuashcacuna ashalla cacpimi, ashtahuan millaita ruhuashpa causarcangui.

SALMOS 92:6

Mana entendic runaca caitaca mana yachanchu. Yuyai illac runaca mana entendinchu.

SALMOS 88:1

Ñucata quishpichic Mandac Dioslla, tutapish, punzhapish canllatami mañani.