SALMOS 5:1 - Dios Rimashcata Quillcashcami

¹ Mandac Dioslla, ñuca rimashcacunata uyaiyari. Ñuca shungu llaquiricushcata ricuiyari.

SALMOS 5:1 Referans Kwoze

SALMOS 54:2

Dioslla, ñuca mañashcata uyaiyari. Ñuca ima nishcata chasquiyari.

1 PEDRO 3:12

Mandac Diosca cashcata ruhuaccunataca cuidanmi, shinallatac mañashcata uyangapacpish shuyaracunmi. Ashtahuanpish mana allita ruhuaccunataca piñanmi» ninmi.

SALMOS 19:14

Canca jatun rumi shina ñucata pacac, ñucata quishpichicmi cangui. Ñuca canman nishcacunapish, ñuca shungupi yuyashcapish can chasquinalla cashca cachun.

SALMOS 64:1

Dioslla, ñuca mañashcata uyaiyari. Ñucata piñaccuna ama manchachichun cuidaiyari.

ROMANOS 8:26

Ñucanchic irquiyashca cacpipish, Diospac Espiritumi ayudan. Ima shina Diosta mañanatapish mana yachanchicchu. Shina cacpipish, Diospac Espiritullatacmi llaquirishpa, ñucanchic mana rimaipac rimaicunahuan ñucanchicmanta mañacun.

SALMOS 86:1

Mandac Dioslla, ñucaca imapish illac, llaquillami cani. Chaimanta ñuca mañashcata cambac ringrihuan uyaiyari.

SALMOS 17:1

Mandac Dioslla, uyaiyari. Ñucaca cashcallatami mañani. Ñuca caparishpa mañashcata uyaiyari. Cai mañashcacunaca mana llullachu.

1 SAMUEL 1:16

Canta servic ñucataca ama Diosta mana manchacmi nishpa yuyaichu. Ashtahuanpish jatun llaquihuan huacashpa causacushpami, cunancaman mañacurcani— nirca.

SALMOS 80:1

¡Israelcunata michiclla uyaiyari! ¡Canca Josepac huahuacunataca ovejacunata shinami michingui! ¡Querubincunapac chaupipi causac Dioslla, achicyachiyari!

1 SAMUEL 1:13

Anaca shungu ucullapi mañashpami, shimillata cuyuchicurca. Ashtahuanpish pai rimashcaca mana uyarircachu. Chaimantami Elica cai huarmica machashcami nishpa yuyacurca.