SALMOS 49:5 - Dios Rimashcata Quillcashcami

⁵ Ñucata piñaccuna llaquichicucpi, millai yuyaihuan ñucata muyucucpica, ¿imamantatac manchashayari?

SALMOS 49:5 Referans Kwoze

HECHOS 27:24

Chai angelmi ñucataca: “Pablo, ama manchaichu. Canca Roma llactata jatun mandac Cesarpacman chayanguimi. Canmantami tucui canhuan riccunatapish huañuimanta quishpichisha” nirca.

FILIPENSES 1:28

Cancunata piñaccunataca ama manchanguichicchu. Cancuna mana manchashpa huillashpaca, paicunaca chingarinalla cashcata, shinallatac cancunaca quishpirishca cashcatami ricuchinguichic. Tucui chaica Diosmantami.

EFESIOS 5:16

Mana alli causai punzhacunapi causacushcamantaca, allita ruhuana tiyacpica allita ruhuaichiclla.

AMÓS 5:13

Chai punzhacuna mana alli cashcamanta alli yuyaiyuc runaca upallami.

OSEAS 7:2

Tucui paicuna mana allita ruhuashcata ñuca yuyaipi charicushcataca mana shungupi yuyarinchu. Tucui paicuna mana allita ruhuashcataca ricucunimi. Chai mana allita ruhuashcacunami paicunata chaupinchishpa charicun.

PROVERBIOS 24:10

Llaqui punzhacunapi fuerza illac cashpaca, fuerza illacmi saquiringui.

PROVERBIOS 5:22

Diosta mana manchactaca pai mana allita ruhuashcacunallatacmi llaquichinga. Pai ruhuashca juchallatacmi tuclla shina japishpa urmachinga.

SALMOS 38:4

Ñuca millaita ruhuashcami ñucataca ñiticun. Jatun quipi shinami ñuca jahuapi llashacun.

SALMOS 23:4

Canca ñucahuanmi cangui. Chaimanta huañunalla amsa huaicuta ricushpapish imata mana manchashachu. Cambac taunahuan, cambac varahuan cuidashpami ñucaman fuerzata cungui.

SALMOS 22:16

Allcucuna shinami muyunacushpa charicuncuna. Millai gentecunami ñuca muyundipi shayacuncuna. Ñuca maquicunatapish, chaquicunatapish llaquinayaitami chugrichincuna.

1 SAMUEL 26:20

Cunanca, Mandac Diospac ñaupamanta caru llactapi ñuca yahuarta jichachun ama saquinguichuyari. Ashtahuanpish israelcunata jatun mandacca sachapi yututa catic shina, piquita catic shinami japingapac llucshishca— nirca.

GÉNESIS 49:17

Ñan ladopi cac culebra shinami cangui. Caballota chaquipi canishpami, caballopi ricta huashaiman urmachingui.

NÚMEROS 23:7

Chaipimi Balaamca yuyarina rimaicunahuan huillashpaca: «Inti llucshina ladopi tiyac Aram llactapi causacucpimi, Moab llactata mandac Balacca pushamurca. Jacobopac churi israelcunata maldiciangapac shamui nirca.

SALMOS 78:2

Ñuca rimashpaca yuyaita japina shimicunatami nigrini. Ñaupa huatacunamanta pi mana yachashca rimaicunatami huillagrini.