SALMOS 49:11 - Dios Rimashcata Quillcashcami

¹¹ Paicunapac allpata paicunapac shutipi churacpipish, paicunapac huiñaita causana huasica enterrarina jutcumi. Chaimi huahua huahuacunapac causana huasica can.

SALMOS 49:11 Referans Kwoze

GÉNESIS 4:17

Caín paipac huarmipi chayaricpica, huicsayuc tucushpami shuc cari huahuata charirca. Chai huahuataca Enoctami shutichirca. Chai quipaca Cainca shuc llactata ruhuashpami, chai llactataca Enocta shutichirca.

SALMOS 64:6

Mana allita ruhuangapacca paicunapurami allita yuyarinacuncuna. Chashnami allita yuyarishpa, tucui shunguhuan ruhuancuna.

SALMOS 5:9

Paicunaca llullallatami rimancuna. Paicunapac shunguca millai jundami. Paicunapac cungurica enterrana jutcuta pascashca shinami.

EZEQUIEL 38:10

Mandac Dios ñucaca: Chai punzhami cambac shungupica mana allita ruhuanata yuyaringui.

SALMOS 10:6

Paipac shungupica: «Ñucaca jaicapi mana urmashachu. Huiñaitami ima llaquipish mana japinga» nishpami yuyan.

2 SAMUEL 18:18

Absalón causacushpaca: «Ñuca shutita yuyarichunca, churicunatapish mana charinichu» nishpami jatun mandacpac pambapi paita yuyarina shuc pilar shinata ruhuachishca carca. Chai pilar shinataca paipac shutitami churarca. Cunan punzhacamanmi «Absalonta yuyarina pilar» nincuna.

HECHOS 8:22

Can mana allita yuyanata saquishpa, Diosta mañai. Chashna mañacpica, cambac shungu mana allita yuyashcataca perdonangapishchari.

SAN LUCAS 11:39

Chaimantami Apunchic Jesusca: —Cancuna fariseocunaca vasotapish, platotapish jahuallatami jahuanguichic, ashtahuanpish shungupica shuhuana yuyai, imapish mana allita ruhuana yuyaicunallami canguichic.

1 SAMUEL 15:12

Chai quipami Samuelca manarac alli punzhayacpi, utca jatarishpa Saulhuan tupangapac rirca. Samuel chaiman chayacpica: —Saulca ñami Carmel puebloman rirca. Riquichic, paita yuyarina pircata shayachishpami Gilgal puebloman muyushpa urai rirca— nirca.

DEUTERONOMIO 3:14

Manasespac churi Jairca tucui Argob llactata japishpami Gesur, Maaca llacta tupanacuicaman japirca. Chashna japishpami, Basantaca paipac quiquin shuti Havot-jairta churarca. Chai llactataca cunancamanmi chashna cayancuna.

SALMOS 39:7

Jatun Dioslla, cunanca ¿imatatac shuyashayari? Ñuca shuyanaca canllami cangui.

ECLESIASTÉS 2:14

Alli yachac runaca allita ricushpami purin. Ashtahuanpish mana entendic runaca purapi shinami purin. Shina cacpipish tucuripica tucuimi chashnallatac tucuna cashcatami entendircani.

ECLESIASTÉS 2:21

Chaica shuc alli yuyaihuan allita ricushpa, alli yachaihuan ruhuashcataca manapish imata trabajac runami japin. Chaica yangallami, shinallatac jatun mana allimi.