SALMOS 49:10 - Dios Rimashcata Quillcashcami

¹⁰ Yachaccunapish huañunllatacmi. Rumi shungu runapish, mana entendic runapish chingarinllami. Paicuna charishcacunaca shuccunapacmi saquirin.

SALMOS 49:10 Referans Kwoze

SAN LUCAS 12:20

Ashtahuanpish Diosca: “Yuyai illac runa, cunan tutallatacmi huañungui. Cai tucui huacaichishcacunaca, ¿pipactac canga?” nirca.

SALMOS 39:6

Runaca shuc llandu shinallami. Yangami imatapish charinata munan. Pai charishcacunata pi japina cashcatacami mana yachanchu.

HEBREOS 9:27

Shinallatac tucuimi shuc cutinlla huañuna canchic. Chai quipami, Dios taripana punzhaca shamunga.

JEREMÍAS 10:8

Tucui paicunami imatapish mana yachac, mana entendiccuna. Paicunapac caspi diosca imapac mana vali yanga cashcatami ricuchin.

PROVERBIOS 30:2

Ñucaca tucui runacunamanta yalli mana entendicmi cani. Runacunapac alli yuyaitaca mana charinichu.

SALMOS 94:8

Mana entendic gentecuna entendichiyari. ¿Ima horastac yuyaita japigringuichicyari?

SALMOS 73:22

Ñuca imatapish mana yachac, mana entendic cashpami chashna carcani. Cambac ñaupapica shuc animal shinami carcani.

SALMOS 49:17

Pai huañushpaca imata mana apangachu. Shinallatac paipac charishca sumaimanacunapish mana paihuan ringachu.

JEREMÍAS 17:11

Cashcata mana ruhuashpa yallita chayucyac runaca sacha huallpa manapish paipac rurucunata ucllac shinami. Paica huambrarac cashpami charishcacunata saquishpa huañunga. Pai ruhuashcaca quipamanca yuyai illac runa ruhuashca shinami canga.

ECLESIASTÉS 2:26

Diosca, paipac ñaupapi alli causac runallamanmi alli yuyaita, alli yachaita, cushicuita cun. Ashtahuanpish juchayuc runamanca charishca jahuapish, ashtahuan tandachichunmi cun. Chai huacaichishcacunataca Diospac ñaupapi alli causac runaman cungapacmi chashnaca cun. Chaicunapish huairata caticuc shina yangallami.

PROVERBIOS 12:1

Yachachishcata uyac runaca alli yachaitami cuyan. Ashtahuanpish cunashcata mana uyacca imatapish mana yachacmi.

PROVERBIOS 11:4

Dios piñarishpa llaquichi punzhapica ima charishcaca mana quishpichingachu. Ashtahuanpish cashcata ruhuashcami huañuimanta quishpichinga.

SALMOS 17:14

Paicunapac maquimantaca cambac maquihuan cacharichiyari. Mandac Dioslla, paicuna japinataca ñami cai pachapi charincuna. Paicunaca can cushcatami huicsa pactata micuncuna. Huahuacunamanpish yallitami charincuna. Quipa huahuacunamanpish puchunmi.

SALMOS 89:49

Jatun Dioslla, ¿utcapi llaquinaca imatac tucurca? Cashcata nic cashcamantami Davidhuan ari ninacurcangui.

PROVERBIOS 14:24

Yachaisapa runacunapac corona shinaca alli yachaimi. Ashtahuanpish yuyai illaccunapac coronaca pandarinami can.