SALMOS 48:11 - Dios Rimashcata Quillcashcami

¹¹ Can cashcata ruhuashcamantaca Sión urcupipish, Judá llactapi causaccunapish yallitami cushicunga.

SALMOS 48:11 Referans Kwoze

SALMOS 97:8

Sionpi causaccunaca chaita uyashpami cushicurca. Judá llactapi cac pueblocunapi causaccunapish, can chashna llaquichishcamantami yallita cushicurca.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

SAN LUCAS 23:28

Jesús chai huacacuc huarmicunata tigrarishpa ricushpaca: —Jerusalén huarmicunalla, ama ñucamantaca huacaichicchu, ashtahuanpish cancunamanta, cancunapac huahuacunamanta huacaichic.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

ISAÍAS 37:22

Chaimantami Mandac Diosca chai jatun mandactaca: “Carihuan manarac chayarishca soltera shina Sión llactalla burlashpa asishcami cangui. Jerusalenpi causaccunaca can cutishpa callpacpica, umata cuyuchishpami asinga.

CANTARES 5:16

Paipac shimica mai mishquimi. Jerusalenpi causac solteracunalla, ñuca cuyashca, ñuca ricsishcapac shimica bunga mishqui shinami.

CANTARES 3:5

¡Jerusalenpi causac solteracunalla, gacela animalcunamanta, tarugamanta ari nichicyari! ¡Ñuca shungu cuyashcataca amatac ricchachinguichicchu! Ima horascamanpish samarichun saquinguichiclla.

CANTARES 2:7

¡Jerusalenpi causac solteracunalla, gacela animalcunamanta, tarugacunamanta ari nichicyari! ¡Ñuca cuyashcataca amatac ricchachinguichicchu! ¡Ima horascamanpish samarichun saquinguichiclla!

CANTARES 1:5

Jerusalenpi causaccunalla, ñucaca yana cashpapish sumacmi cani. Cedar llacta carpa huasicuna shina, Salomonpac lienzo paño shina sumacmi cani.

SALMOS 58:10

Cashcata ruhuaccunaca millaicunata Dios llaquichicpica cushicungami. Diosta mana manchaccunapac yahuarhuanmi chaquita jahuangacuna.

JUECES 5:31

Mandac Dioslla, tucui canta piñaccuna chashna chingarishpa tucurichun. Shinallatac cuyaccunaca inti llucshishpa tucuita achicyachic shina cachun” nishpami cantarca. Chaimanta quipamanca chuscu chunga huatatami israelcunaca cushilla causarca.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.