SALMOS 48:10 - Dios Rimashcata Quillcashcami

¹⁰ Sumac Dioslla, cambac shutita alli nina cashca shinallatacmi cantaca tucui cai pachapi causaccuna alli nincuna. Cambac alli maquihuanca cashcatami ruhuangui.

SALMOS 48:10 Referans Kwoze

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

SALMOS 113:3

Inti llucshina ladomantaca inti tigrana ladocaman Mandac Diospac shutita alabachuncuna.

DEUTERONOMIO 28:58

Cai quillcashca mandashcacunapi tucui nicushcata cungarishpa, Mandac Diospac sumaimana manchana shutita mana cazucpica,

JOSUÉ 7:9

Chashna tucushcata cananeocunapish, cai llactapi tucui causaccunapish yachashpaca, ñucanchicta muyunacushpami, ñucanchic shuticunatapish cai pachamanta chingachinga. Chashna ruhuacpica, cambac jatun shuti alli nishca catichunca, ¿imatatac ruhuagringuiyari?— nirca.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

APOCALIPSIS 19:11

Chai quipaca jahua pacha pascaricpi, shuc yurac caballopi montashpa tiyacuctami ricurcani. Chai tiyacucpac shutica Mana Llullac, shinallatac Imatapish Pactachicmi carca. Paica cashcata ruhuashpa, taripac shinallatac macanacucmi carca.

APOCALIPSIS 19:2

Paica pimanpish mana tucushpa, cashcata ruhuac cashpami, chai huarmi huacllirishpa tucui cai pachapi causaccunata juchapi urmachishcamantaca llaquichishca. Shinallatac Diospacta ruhuaccunata huañuchishcamantapish llaquichishcami» nircacuna.

MALAQUÍAS 1:14

Maijanpish paipac manada ovejacunapi huira ovejacunata charishca jahua, chaita cushami nishca jahua, mana alli animalta Mandac Dios ñucaman cuc runaca mana alli nishca cachun. Ñucaca Jatun Mandacmi cani. Shinallatac ñuca shutica tucui llactacunapac manchanami. Chaitaca Mandac Dios ñucami nini.

SALMOS 145:17

Mandac Diosca, tucui causaipimi cashcata ruhuan. Imata ruhuashpapish llaquic cashcatami ricuchin.

SALMOS 99:4

Tucuita ruhuac Jatun Mandaclla, canca cashcata ricushpami mandangui. Cashcata ruhuanataca canmi callarichircangui. Canmi Jacobopac huahua huahuapurapica allita ricushpa mandashpa, imatapish cashcata ruhuacungui.

SALMOS 45:7

Canca cashcata ruhuactami cuyangui. Millaita ruhuactaca piñanguimi. Chaimantami cambac Diosca can jatun mandacta acllashca. Mishquilla ashnacuc aceitehuan cahuishpami, canhuan puric caishuccunamanta yalli cushicuita cushca.

SALMOS 11:7

Mandac Diosca cashcata ruhuac cashcamantami imatapish cashcallata ruhuachun munan. Paipac ñahuitaca cashcata ruhuaccunallami ricunga.

1 CRÓNICAS 16:14

Mandac Diosmi, ñucanchic Diosca. Pai llaquichishcacunaca, tucui cai pachapimi ricuricun.