SALMOS 47:6 - Dios Rimashcata Quillcashcami

⁶ ¡Cantaichic, ñucanchic Diostaca cantaichicyari! ¡Cantaichic, ñucanchicta jatun Mandacta cantaichicyari!

SALMOS 47:6 Referans Kwoze

SAN MATEO 25:34

Ñuca alli maquiman caccunataca: “Ñuca Taita alli nishcacuna, ñucahuan mandangapac shamuichic. Cai mandanataca Diosmi cai pacha callari punzhamanta, cancunaman cungapac allichishpa charicushca.

SALMOS 68:4

¡Diosta cantaichic! ¡Paipac shutita salmocunahuan cantaichic! ¡Caballopi montashpa puyu jahuata puricta jatunyachichic! ¡Paipac shutica Mandac Diosmi! ¡Paipac ñaupapi cushicuichic!

ISAÍAS 33:22

Mandac Diosmi ñucanchic juez. Mandac Diosllatacmi mandashcacunata cucca. Mandac Diosllatacmi ñucanchic Jatun Mandacca. Paillatacmi ñucanchicta quishpichin.

SALMOS 145:1

Ñuca jatun Mandac Dioslla, cantaca jatunyachishami. Cambac shutitaca huiñaitami alli nicusha.

SAN MATEO 27:37

Cruz jahuapica, imamanta huañuchishcata quillcashcatami churarca. Chai quillcapica: «Caimi israelcunata Jatun Mandac Jesús» nicurcami.

1 CRÓNICAS 16:9

¡Paiman Salmocunata cantaichic. Pai tucui sumaimana, ruhuashcacunata parlaichicyari!

SALMOS 89:18

¡Mandac Diosca ñucanchic jarcarina escudomi! ¡Ñucanchic Jatun Mandacca israelcunapac jucha illac Diosmi!

1 CRÓNICAS 29:20

Chashna nishca quipami tucui chaipi tandanacushcacunataca: «¡Cancunata Mandac Diosta allimari cangui nichicyari!» nirca. Shina nicpimi, tucui tandanacushcacunaca paicunapac ñaupa taitacunata Mandac Diosta alli nircacuna. Chai quipami Mandac Diospac ñaupapi, jatun mandac Davidpac ñaupapipish cungurishpa cumurircacuna.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

ÉXODO 15:21

Chashna cantashpami Mariaca: «¡Mandac Diosta cantaichic! ¡Paipac poderta ricuchishpami, carretacunapish, caballocunapi ric soldadocunatapish, cuchapi ucuyachirca!» nirca.

1 CRÓNICAS 15:28

Chashnami Davidca Mandac Dios ari nishca quillcata huacaichina Arcataca tucui israelcunahuan yallita cushicushpa, cantashpa, bocinacunapi, trompetacunapi, platillocunapi salteriocunapi, sinchita tocashpa aparcacuna.