SALMOS 46:7 - Dios Rimashcata Quillcashcami

⁷ Tucuita Mandac Diosca ñucanchic-huanmi. Jocobopac Diosca ñucanchic jarcarinami.

SALMOS 46:7 Referans Kwoze

SALMOS 9:9

Mandac Diosca llaquichishca causaccunata cuidacmi. Llaqui punzhacunapi cuidacmi can.

2 CRÓNICAS 13:12

Riqui, Mandac Diosca ñucanchic-huanmi. Paimi ñucanchicta mandacun. Paipac curacunapish cancunahuan macanacugrichunmi, trompetapi sinchita tocangapac ñucanchic-huan shayacun. Chaimanta israelcunalla, cancunapac ñaupa taitacunata Mandac Dios-huan ama cariyaichicchu. Paitaca, ¿maitatac mishai pudinguichicyari?» nirca.

NÚMEROS 14:9

Chaimanta Mandac Diosta ama piñachichicchu. Chai llactapi causaccunatapish mana manchanachu canchic. Ñucanchicca paicunataca tandata micuc shinami tucuchishun. Paicunata llaquishpa ayudacpish, mana tiyanchu. Cutin ñucanchicca Mandac Diostami charinchic. ¡Chaimanta ama manchaichicchu!— nirca.

ROMANOS 8:31

Shina cacpica, ¿imatatac nishun? Dios ñucanchic-huan cacpica, ¿pitac ñucanchictaca llaquichi pudinga?

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

ISAÍAS 8:10

Diosca ñucanchic-huanmi. Chaimanta imata yuyarishcaca yangallami canga. Imata ruhuasha nishcapish mana pactangachu» nirca.

2 TIMOTEO 4:22

Apunchic Jesucristo canhuan cachun. Shinallatac Diosca paipac sumaimana cuyaita tucui cancunaman cushca cachun ninimi.

SALMOS 46:11

Tucuita Mandac Diosca ñucanchic-huanmi. Ñucanchic miticunaca taita Jacobopac Diosmi.

SALMOS 2:1

¿Imamantatac llactapi causaccunaca caparicuncuna? ¿Imamantatac gentecunaca manapish canata yuyarincuna?