SALMOS 46:6 - Dios Rimashcata Quillcashcami

⁶ Dios rimashca uyaricpica, allpapish yacuyanmi. Llactacunapi causaccunapish caparicunmi. Jatun mandaccunapish machashpa chucchunmi.

SALMOS 46:6 Referans Kwoze

AMÓS 9:5

Tucuita Mandac Dios cai pachapi tuparicpica, cai pachaca yacuyangami. Cai pachapi causaccunaca llaquirishpami huacanga. Cai pachaca jatun yacu shina miraricpica, Egipto jatun yacu shinami ashalla tucunga.

NAHÚM 1:5

Paipac ñaupapica, urcucunapish chucchunmi, lomacunapish yacuyanmi. Allpapish, cai pachapish, tucui chaipi causaccunapish cuyurinmi.

MIQUEAS 1:4

Pai sarucpica, urcucunapish, pambacunapish ninapi cera yacuyac shinami yacuyashpa ucuyanga. Jahuamanta yacu talliricuc shinami talliringa.

JOEL 2:11

Mandac Diosca paipac soldadocunapac ñaupapimi mandacun. Paipac soldadocunaca achcami. Pai mandashcacunaca llaquimi. Mandac Dios shamuna punzhapica, jatun llaquimi tiyanga. Chai jatun llaquitaca, ¿pitac apai pudingayari?

SALMOS 18:13

Jahua pachapi causac Mandac Diosca tulun nishpami uyarirca. Rundupish, jagan nicuc nina carbonpish urmarcami.

AMÓS 9:13

Chai punzhaca ñami pactamun. Manarac tucui cosechacpimi, yapuna punzhacuna chayamun. Shinallatac uvasta manarac tucui pallacpimi, trigota tarpuna punzhaca chayamun. Llullu vinoca yacu shinami urcucunapipish, lomacunapipish talliringa. Chaitaca Mandac Dios ñucami nini.

AMÓS 1:2

Amosca: «¡Sión urcumanta, Jerusalenmantami Mandac Diosca león huacac shina caparishpa uyaringa! Michinapish mana tiyangachu. Carmelo urcupish chaquingami» nirca.

JEREMÍAS 25:30

Can Jeremías paicunaman huillashpaca: “Mandac Diosca jahuamantami caparishpa shamunga. Pai causacuc jucha illac huasimantami sinchita rimanga. Pai acllashcacunata piñashpami caparishpa shamunga. Cai llactapi causaccunataca caparishpa uvasta saruc runa shinami ruhuanga.

SALMOS 97:5

Urcucunapish huira shinami tucui cai pachata Mandac Diospac ñaupapi nuyurca.

SALMOS 68:33

Jahua pachamanta ashtahuan jahua pachapimi caballopi montashpa utca huatamanta pacha puricun. Pai jatun poderhuan rimashcata uyaichicyari.

SALMOS 68:8

Chashna shamucpica, allpaca chucchurcami. Jahua pachamantapish tamya urmarcami. Sinaí urcupish israelcunapac Diospac ñaupapica chucchurcami.

2 CRÓNICAS 20:1

Tucui chaicunata ruhuashca quipami Moabpac, Amonpac huahuacuna, shinallatac shuctac amonitacunapish paicunahuan tandarishpa Josafathuan macanacungapac llucshirca.

JOSUÉ 2:24

Paicunaca Josuetaca: —Mandac Diosca chai tucui llactatami ñucanchic maquipi churashca. Chai llactapi causaccunaca tucuimi manchashpa chucchucuncuna— nirca.

JOSUÉ 2:11

Chaita uyashpaca, ñucanchic shunguca yallita shaicushca shinami tucurca. Cancunata manchashpami, tucui gentecuna ima cushicuitapish, mana charincuna. Cancunata Mandac Diosca jahua pachapipish, cai pachapipish Diosmi.

JOSUÉ 2:9

—Mandac Dios cai llactata cancunaman cushcataca yachanimi. Chaimantami paica cancunata manchachun, manchaita shungupi churashca. Tucui llactapi causaccunami cancunataca yallita manchaihuan chucchushpa, imatapish mana ruhuai pudincuna.

APOCALIPSIS 20:11

Chai quipaca shuc jatun yuranlla mandashpa tiyarinapi shuc tiyacuctami ricurcani. Paipac ñaupamantaca cai pachapish, jahua pachapish tucui chingarishpami maipi mana ricurirca.

DEUTERONOMIO 7:21

Mandac Diosca cancunapac chaupipimi. Chaimanta ama paicunataca manchaichicchu. Paica jatun manchana Diosmi.

2 REYES 19:34

Ñucami cai pueblotaca cuidashpa quishpichisha. Ñuca shutita ricsichingapac, ñucata servic Davidta cuyashcamantami chashnaca ruhuasha” ninmi» nishpa cacharca.

SALMOS 125:1

Mandac Diospi shunguta churaccunaca Sión urcu shinami huiñaita maita mana cuyuchipac causancuna.

ISAÍAS 31:5

Tucuita Mandac Dios ñucaca alasyuc animalcuna cuzhata misashpa volanacuc shinami Jerusalenpi causaccunataca cuidasha. Chashna cuidashpami quishpichisha. Chashna misashpami cacharichisha» nirca.

ISAÍAS 33:20

Jatun fiestacunata ruhuac ñucanchic Sión llactata ricuichic. Jerusalenpica mana manchashpa causacuctapish, mana pascaipac carpa huasicunatapish ricunguimi. Carpacunata charicuc ishtacacunatapish pi mana llucchingachu. Carpacuna huatashca huascacunataca shucllatapish mana pitingachu.

EZEQUIEL 48:35

Chai llacta muyundica iscun huaranga metromi canga. Chai punzhamanta pachami chai puebloca, ‘Mandac Diosmi cai llactapica’ nishpa shutichishca canga» nirca.