SALMOS 46:2 - Dios Rimashcata Quillcashcami

² Chaimantami allpa chucchucpipish, urcucuna tuñirishpa mama cucha chaupipi siriricpipish mana manchashun.

SALMOS 46:2 Referans Kwoze

SALMOS 23:4

Canca ñucahuanmi cangui. Chaimanta huañunalla amsa huaicuta ricushpapish imata mana manchashachu. Cambac taunahuan, cambac varahuan cuidashpami ñucaman fuerzata cungui.

HEBREOS 13:6

Chaimantami tucui shunguhuan: «Mandac Diosca ñucata ayudacmi. Pipish ñucata imata ruhuanamantaca mana manchanichu» ni pudinchic.

SALMOS 27:3

Achca soldadocuna ñucata muyunacushpa shamucpipish, ñuca shunguca mana manchangachu. Ñucata huañuchingapac jatun macanacuita ruhuacpipish Paipimi shunguta churasha.

SAN MATEO 21:21

Chaimantami Jesusca: —Tucui shunguhuan crishpa, mana caita chaita yuyashpaca, mana cai higo yurallatachu chaquichinguichic, ashtahuanpish cancuna urcuta: “¡Caimanta anchuri, mama cuchaman shitari!” nicpica, rinmanllami. Chaica chashnatacmi.

SAN LUCAS 21:33

Cai pachapish, jahua pachapish tucuringami. Ashtahuanpish ñuca huillashcacunaca pactacungallami.

SALMOS 82:5

Paicunaca imatapish mana yachanchu, imatapish mana entendinchu. Amsa purapimi purincuna. ¡Allpapish tucuimi cuyuricun!

SALMOS 18:7

Pai piñaricpica, cai pachaca mancharinatami chucchurca. Jatun urcu callari rumicunapish chucchurcami.

2 SAMUEL 22:3

Ñuca jarcarina rumi shinami. Ñuca jarcarina escudomi. Jatun poderhuan quishpichicmi. Tucuimanta yalli jahuaman cac, ñuca miticunami. Llaquichiccunamantami quishpichircangui.

SALMOS 28:7

Mandac Diosca ñucapac sinchi fuerza, ñuca jarcarina escudo shinami. Paitami ñuca shungupica shuyani. Chashna pai ayudashcamantami ñuca shungupi yallita cushicushpa, ñuca ruhuashca cantohuan paita cantacusha.

SALMOS 37:39

Cashcata ruhuaccunataca Mandac Diosmi quishpichinga. Paica llaqui punzhacunapi jarcarina jatun pirca shinami.

SALMOS 59:17

Muyundita jatun pircashca shina ñucata pacaclla, cantami cantasha. Dioslla, ñuca miticunami cangui. Ñucata llaquic Diosmi cangui.

SALMOS 62:8

Pai acllashcacunalla, tucui punzhacuna paillata shuyaichic. Diosmi ñucanchic miticunami. Chaimanta tucui shunguhuan paipac ñaupapi mañaichic.

SALMOS 62:9

Alli yuyaricpica, yangalla runapish, alli nishca runapish yangallami. Paicunata balanzapi pezacpica huaira shinallami.

SALMOS 91:2

Chaimantami Mandac Diostaca: «Canca ñuca miticuna, ñuca jarcarina jatun torre shinami cangui. Canpimi shunguta churani» nini.

SALMOS 142:6

Ñucaca yallitami llaquihuan cani. Ñuca caparishpa mañashcata uyaiyari. Ñucata llaquichiccunamanta quishpichiyari. Paicunaca ñucata yalli sinchicunami.

JEREMÍAS 14:8

Llaqui punzhacunapi quishpichichun israelcuna shuyana, quishpichic Dioslla, ¿ima nishpatac cai llactapica caru llacta runa shina tucungui? ¿Ima nishpatac puric runa pacaringapac carpata shayachic shina tucungui?

NAHÚM 1:7

¡Mandac Diosca allimi! Llaqui punzhacunapica sinchi torre shinami jarcan. Paita shuyaccunataca cuidanmi.