SALMOS 46:10 - Dios Rimashcata Quillcashcami

¹⁰ Diosca: «Casilla caichic, ñucataca Dios cashcata ricsichic. Tucui llactacunapimi alli nishca casha. Tucui cai pachami jatunyachishca casha» nircami.

SALMOS 46:10 Referans Kwoze

SALMOS 100:3

Mandac Diostaca, Dios cashcata ricsichicyari. Paimi ñucanchictaca ruhuarca. Ñucanchicca mana ñucanchicllatac ruhuarircanchicchu. Pai acllashca gentecunami canchic. Paipac michina pambapi micuc ovejacunami canchic.

HABACUC 2:20

Ashtahuanpish Mandac Diosca paipaclla chicanyachishca huasipimi causan. ¡Cai pachapi tucui causaccuna paipac ñaupapi upalla caichic!

EZEQUIEL 38:23

Shina ruhuashpami, ñucaca jatun cashcata, jucha illac cashcata shuctac llactacunaman ricuchisha. Shina ruhuacpimi, ñucataca Mandac Dios cashcata yachangacuna” ninmi ningui.

ZACARÍAS 2:13

¡Mandac Diosca pai causana jucha illac pushtumantami shamun! ¡Chaimanta cai pachapi tucui causaccuna upalla caichic!

SALMOS 83:18

Cambac shutica Mandac Dios cashcata yachachun. Jahua pachapi causac Diosca tucui cai pachata mandac cashcata ricsichuncuna.

ISAÍAS 2:17

Cariyashpa puriccunapac ñahuitaca cumurichingami. Jatun tucushcacunatapish pingaichingami. Chai punzhapica Mandac Diosllami jatunyachishca canga.

SALMOS 57:5

¡Dioslla, cantaca jahua pachapi jatunyachishca cachun! ¡Can sumaimana cashcataca tucui cai pachapi ricsishca cachun!

1 CRÓNICAS 29:11

Mandac Dioslla, jatun canapish, tucuita ruhuanapi sumaimana canapish, tucui mandanapish, tucuipac alli nishca canapish cambacmi. Jahua pachapi ima tiyashcapish, cai pachapi ima tiyashcapish cambacmi. Mandac Dioslla, tucuita mandanapish cambacmi. Tucuita yallimi cangui.

SALMOS 21:13

¡Mandac Dioslla, imatapish ruhuac cashcahuan can jatun cashcataca ricuchiyari! ¡Mishachishcamantaca cantashami, alabashami!

ISAÍAS 5:16

Tucuita Mandac Diosca pai allita Mandac cashcamantami jatunyachishca canga. Jucha illac Diosca cashcata ruhuac cashcamantami “Jucha illacmi cangui” nishca canga.

ÉXODO 18:11

Cunanmi, Mandac Diosca tucui dioscunamanta ashtahuan jatun cashcata yachani. Jatun tucushpa, cancunata llaquichiccunatami llaquichishca— nirca.

ISAÍAS 2:11

Jatun tucushpa puriccunapac ñahuitaca cumurichingami. Cari tucushcacunatapish pingaichishpami cumurichinga. Chai punzhapica Mandac Diosllami jatunyachishca canga.

1 REYES 18:36

Diosman animalta cushpa rupachina horas ña chayacpimi, Dios ima nishcata huillac Elías altarman cuchuyashpaca: «¡Abrahampac, Isaacpac, Israelpac Mandac Dioslla, Israel llactapica canlla Dios cashcata cunan ricuchiyari! ¡Ñucapish canta servic cashcata can mandacpi, tucui caicunata ruhuacushcatapish ricuchiyari!

1 SAMUEL 17:46

Cunan Mandac Dios canta ñuca maquipi churacpimi, canta atishpa, cambac umata pitisha. Cunanmi cambac aichatapish, filisteo soldadocunapac aichatapish jahuata volac animalcunaman, sacha animalcunaman carasha. Chashna ruhuacpimi, tucui cai pachapi causaccunaca israelcunapac Dios tiyashcata yachangacuna.

2 REYES 19:12

Ñuca ñaupa taitacunaca Gozán, Harán, Resef pueblocunapi causaccunatapish, Edén llacta Telasar pueblopi causaccunatapish tucuchircami. ¿Shina ruhuacucpica cambac dioscunaca ayudarcachu?

JOSUÉ 11:6

Shina cacpimi, Mandac Diosca Josuetaca: «Paicunataca ama manchaichu, caya cai horasllatami paicunataca israelcunapac ñaupapi churasha. Canca caballocunapac chaquicunata paquishpa, carretacunatapish rupachingui» nirca.

JOSUÉ 11:9

Josueca Mandac Dios mandashca shinallatacmi paicunataca huañuchishpa, caballocunapac chaquicunata paquishpa, carretacunatapish rupachirca.

1 SAMUEL 2:4

Sinchi runacunapac arcocunatapish paquircami. Ashtahuanpish imata mana yachaccunaca chumbillic shinami fuerzata japincuna.

2 REYES 6:23

Shina nicpimi, jatun micuita ruhuarca. Chaita ña micushca, ubiashca quipaca chai soldadocunata cachacpimi, paicunapac amopacman cutimurca. Chai punzhamanta pachami Siria llactamanta tandanacushpa macanacuc soldadocunaca mana ashtahuan yaicurca.

SALMOS 37:15

Shina cacpipish, paicunapac espadaca paicunapac shungullapitacmi yaicunga. Cutin arcoca paquiringami.

ISAÍAS 2:4

Mandac Diosmi llactacunapi causaccunataca taripanga. Achca gentecunatami jarcashpa rimanga. Chashna ruhuacpimi, paicunapac espadacunataca yapuna rejacunata, lanzacunataca hocescunata ruhuanga. Llactacunapish mana ashtahuan macanacungapac llucshingachu. Macanacunatapish ña mana ashtahuan yachachingachu.

JEREMÍAS 49:35

«Tucuita Mandac Dios ñucaca: Elam llactapi causaccunaca arcohuan sinchita macanacuccunami. Chai arcocunataca paquigrinimi.

EZEQUIEL 30:8

Egipto llactapi ninata japichishpa, paita ayudaccunandi tucuchicpimi, ñucataca Mandac Dios cashcata yachangacuna.

EZEQUIEL 39:3

Cambac lluqui maquipi charicuc arcotapish quichushami, cambac alli maquipi charicuc flechatapish urmachishami.

MIQUEAS 4:3

Mandac Diosmi achca gentecunatapish taripanaga. Sinchi llactacunatapish, caru llactacunatapish allichinga. Chaimantami espadacunataca yapuna rejacunata, cutin lanzacunataca hocescunata ruhuanga. Shinallatac llactacunapura piñanacushpa, jatun macanacuipish, macanacuita yachachinapish mana ashtahuan tiyangachu.