SALMOS 45:4 - Dios Rimashcata Quillcashcami

⁴ Can sumaimana cashcamantaca, tucuipimi alli llucshingui. Cambac poderhuanmi carretata caballocunapi aisachishpa yangalla shinacunaman cashcata ruhuangapac, mana llullac cashcahuan millaita ruhuaccunata llaquichingui. Alli maquihuanca mai mancharinacunatami ruhuangui.

SALMOS 45:4 Referans Kwoze

SALMOS 65:5

Ñucanchicta quishpichic Dioslla, ñucanchic mañacpica, cashcata ruhuashpami cutichingui. Tucui llactacunapi causaccunapish, caru mama cucha llactapi causaccunapish canllatami shuyancuna.

APOCALIPSIS 19:11

Chai quipaca jahua pacha pascaricpi, shuc yurac caballopi montashpa tiyacuctami ricurcani. Chai tiyacucpac shutica Mana Llullac, shinallatac Imatapish Pactachicmi carca. Paica cashcata ruhuashpa, taripac shinallatac macanacucmi carca.

APOCALIPSIS 6:2

Shina nicpi ñuca ricushpaca, yuranlla caballotami ricurcani. Chai caballopac jahuapi tiyacucca shuc arcotami apashca carca. Paiman coronata cucpimi, atishpa mishangapac llucshirca.

SAN MATEO 11:29

Yugota apac shina, ñucata catichic, ñucamanta yachacuichic. Ñucaca mana piñaric, alli shungumi cani. Samaringuichicmi.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

APOCALIPSIS 11:18

Tucui llactacunapi causaccunami piñarishca. Can piñarishpa llaquichina punzhami chayamushca. Chai punzhaca huañushcacunata taripana, cambacta ruhuac can ima nishcata huillaccunaman, cambaclla caccunaman, cambac shutita alli niccunaman, jatunman cashpa, uchillaman cashpa japina cashcata cuna punzhami can. Shinallatac cai pachata llaquichiccunata tucuchina punzhami chayamushca» nircacuna.

2 TESALONICENSES 3:1

Caitapish nishpaca, cancuna chasquishca shinallatac, Apunchic Jesucristomanta huillashcata tucui llactacunapi utca chasquichunca, ñucanchicmanta Diosta mañaichic.

1 TESALONICENSES 2:13

Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic.

1 TESALONICENSES 1:5

Ñucanchic cancunaman alli huillaita huillacushpaca, mana rimaillahuanchu yachachircanchic, ashtahuanpish Diospac poderhuan, Espirituhuan, allita yachashpami, cancunapac allipac yachachircanchic.

2 CORINTIOS 10:1

Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa rimarini nicucpipish, Cristo llaquishpa cuyashcamantami cashna mañani:

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN JUAN 1:17

Diosca, pai mandashcacunata ricuchichunca, Moisestami cacharca. Ashtahuanpish Dios cuyac, cashcata nic cashcataca, Jesucristo cachashpami ricuchirca.

SAN LUCAS 19:27

Cutin, ñucata piñashpa mana mandac cachun munaccunataca apamushpa, ñuca ñaupapi huañuchichic” nircami» nirca.

SALMOS 60:4

Arcocunahuan shitacpi jarcarichunmi canta manchaccunamanca banderata cushcangui.

SALMOS 2:9

Paicunataca fierro varahuan mandashpami llaquichingui. Allpa mangata shinami ñutuchingui» nirca.

APOCALIPSIS 20:15

Huiñaita causangapac rina libropi mana quillcashca cacca, rupacuc nina cuchapimi shitashca carca.

ISAÍAS 11:5

Cashcata ruhuanahuanmi chumbillishca shina canga. Cutin pactachic canaca paipac cintura shinami canga.