SALMOS 44:2 - Dios Rimashcata Quillcashcami

² Canca ñucanchic taitacuna chai llactapi allita causachunmi cambac maquihuan chai llactapi causaccunataca llaquichishpa llucchishpa cacharcangui.

SALMOS 44:2 Referans Kwoze

ÉXODO 15:17

Mandac Dioslla, can cushca urcuman chayachishpami, tarpuc shina churangui. Can causangapac allichishca llactamanmi chayachingui. Cambac maquihuan shayachishca sumac huasimanmi pushangui.

SALMOS 78:55

Chaipi causac runacunataca israelcuna ricucucpimi, llucchishpa cacharca. Chai quipaca huascahuan medishpami allpacunata chaupishpa curca. Chai runacuna causana huasicunapica Israel aillucunatami causachun churarca.

2 SAMUEL 7:10

Shinallatac ñuca acllashca israelcuna causachunmi shuc llactata acllashpa, tarpushca shina causachun cusha. Chaipimi paicunaca callari punzhapi llaquichishca shina mana pipish llaquichishca causanga.

JOSUÉ 21:43

Shinami Mandac Diosca ñaupa taitacunaman cusha nishpa ari nishca llactataca israelcunaman curca. Chai tucui llactatami paicuna causachun curca.

JOSUÉ 11:23

Mandac Dios Moisesta mandashca shinallatacmi Josueca tucui chai llactata japirca. Chai llactacunataca Israel aillucuna mashna aillu cashca shinallatacmi, chaupishpa curca. Shinami chai llactaca ña mana macanacui tiyacpi samarirca.

SALMOS 105:44

Shuc llactapi causaccunapac allpacunata cushpami, chai runacuna tarpushca chagracunata paicunaman curca.

JOSUÉ 24:12

Amorreocunata ishcai jatun mandaccunataca mana cancunapac espadahuan, flechahuanchu llucchishpa cacharcanguichic. Ashtahuanpish ñuca avispacunata cachacpimi, paicunaca cancunapac ñaupamanta rircacuna.

JOSUÉ 10:42

Mandac Dios israelcunamanta macanacucpimi, tucui jatun mandaccunatapish atishpa, paicunapac jatun llactacunatapish japirca.

JOSUÉ 10:11

Israelcunamanta miticushpa, Bet-horón pueblomanta urai rina ñanman callpacucpipish, Mandac Diosca jahua pachamanta rundu shina rumicunata Azeca pueblocamanmi paicunapac jahuapi urmachirca. Shina urmachicpimi, chai runacunaca tucui huañurca. Israelcuna espadahuan huañuchishcatapish yallimi chai rundu rumicuna urmashpa huañuchirca.

JOSUÉ 3:10

Cancunaca caita ricushpami, causac Dios cancunapac chaupipi cashcataca yachanguichic. Paimi cunanca cananeocunatapish, heteocunatapish, heveocunatapish, ferezeocunatapish, gergeseocunatapish, amorreocunatapish, jebuseocunatapish cancunapac ñaupamanta llucchishpa cachanga.

DEUTERONOMIO 7:1

Cancuna japina llactaman Mandac Dios pushacpica, cancunata yalli sinchi canchis llactacunamanta heteocunata, gergeseocunata, amorreocunata, cananeocunata, ferezeocunata, heveocunata, jebuseocunata llucchishpa cachanguichicmi.

NÚMEROS 13:32

Chai runacunaca chai llactata mana alli nishpami israelcunataca: —Ñucanchic ricungapac rishca llactaca yarcaihuan huañuna allpami cashca. Chaipi causaccunapish yalli jatun gentecunami.

ÉXODO 34:11

Cunan, canman ñuca cushca mandashcacunata huacaichingui. Cancunapac chaupimantami amorreocunatapish, cananeocunatapish, heteocunatapish, ferezeocunatapish, heveocunatapish, jebuseocunatapish llucchishpa cachasha.

ÉXODO 23:28

Cancunapac ñaupata piña avispacunata cachashpami, heveocunatapish, cananeocunatapish, heteocunatapish paicunapac llactamanta llucchishpa cachasha.

ÉXODO 15:19

Jatun mandac Faraón carretacunahuan, caballopi ric soldadocunahuan yacuta pasacucpimi, Mandac Diosca cucha yacuta cutichimushpa, tucuita ucuyachirca. Cutin israelcunaca cucha chaupitami chaquishca allpata shina pasarca.

ÉXODO 10:2

Shinallatac cai Egiptopi imata ruhuashcata huahuacunamanpish, nietocunamanpish parlachunmi cashnaca ruhuarcani. Ñucaca Mandac Dios cashcata yachachunmi paicunapac chaupipi mancharinacunata ruhuashpa ricuchishcani— nirca.

DEUTERONOMIO 4:38

Cancunapac ñaupamanta jatun llactacunata, yalli jatun, sinchi gentecunata llucchishpa cachashpami, chai llactapi cancunaman cunga. Cunanpish chashnallatacmi ruhuacun.

DEUTERONOMIO 32:7

Ñaupa punzhacunata yuyarichicyari. Huahua huahuacunapac huatata yuyarichicyari. Taitacunamanpish, ñaupa huiñai yuyaccunamanpish tapuichicyari. Paicunami cancunaman huillanga.

JUECES 6:13

Shina nicpimi Gedeonca: —¡Ñuca amolla! Mandac Dios ñucanchic-huan cacpica, ¿imamantatac cashna tucunchicyari? ¿Ñucanchic ñaupa taitacuna: “Mandac Diosmi Egiptomanta llucchimurca” nishpa, cai tucui sumacta parlashcaca maipitacyari? Cunanca madianitacunapac maquipimari ñucanchictaca jichushca— nirca.

2 SAMUEL 23:12

Shina callpacpipish, paica chai lenteja chagra chaupipimi macanacushpa filisteocunata atirca. Chashnami Mandac Diosca chai macanacuita mishachirca.

ISAÍAS 51:9

¡Mandac Dioslla, riccharishpa, poderta japiyari! Ñaupa huatacuna shina, utca punzhacuna shina shayariyari. ¿Manachu can Rahabtaca ñutuchircangui? ¿Manachu can chai jatun dragontaca chugrichircangui?

JEREMÍAS 32:23

Paicunaca chai llactaman yaicumushpa, chai allpata japishpapish can rimashcataca mana uyashun nircachu. Can mandashcacunatapish mana pactachircachu. Shinallatac imata ruhuachun nishcatapish mana ruhuarcachu. Chaimantami cai tucui llaquicunahuan paicunata llaquichishcangui.