SALMOS 44:19 - Dios Rimashcata Quillcashcami

¹⁹ Shina cacpipish, chacal animalcuna sirinapimi shitarcangui. Manchana llanduhuanmi ñucanchictaca taparcangui.

SALMOS 44:19 Referans Kwoze

SALMOS 23:4

Canca ñucahuanmi cangui. Chaimanta huañunalla amsa huaicuta ricushpapish imata mana manchashachu. Cambac taunahuan, cambac varahuan cuidashpami ñucaman fuerzata cungui.

JOB 3:5

Chai punzhaca purayashca huañuna llandu cachun. Punzha purayashca shina, manchanayaita ruhuashpachari alli canman.

JEREMÍAS 14:17

Canca gentecunataca: “Carihuan manarac chayarishca soltera shina, ñuca llactapi causaccunataca yallita llaqui japishcamanta, paicunapac nanai yalli sinchi cashcamantami ñuca ñahuimantaca tutapish, punzhapish huiquica shutucungalla.

SALMOS 51:8

Yallita cushi canata huillaiyari. Chaipica can llaquichishca tullucunapish cushicungami.

APOCALIPSIS 16:10

Pichcaniqui angelca manchana animal mandashpa tiyarinapimi pai charicushca copata tallirca. Shina tallicpica, pai mandana amsa pura tucucpimi gentecunaca nanaihuan calluta canirirca.

APOCALIPSIS 13:2

Chai ñuca ricushca manchana animalca leopardoman ricchami carca. Chaquica osopac chaqui shina, shimica leonpac shimi shinami carca. Dragonmi pai shina mandashpa tiyarinatapish, poderyuc canatapish, shinallatac mandanatapish chai manchana animalman curca.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebra, shinallatac diablo nishcapish, Satanás nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandi cai pachaman llucchishpa shitarcacuna.

SAN MATEO 4:16

Amsapi causac cancunami shuc jatun luzta ricurca. Amsapi huañunalla caccunatami, chai luzca achicyachirca» nishcami.

EZEQUIEL 29:3

“Mandac Diosca: Egipto llactata jatun mandac Faraonlla, canhuanca piñarishcami cani. Canca yacu chaupipi tiyacuc dragón shinami cangui. Canca: ‘Nilo yacuca ñucapacmi, ñucami ruhuarcani’ ninguimi.

ISAÍAS 35:7

Chaquishca rupacuc tiyupish yacu cuchami tucunga. Chaquishca allpacunataca yacumi callpacunga. Chacal animalcuna causanapica carrizocuna, totoracunami huiñanga.

ISAÍAS 27:1

Chai punzhami Mandac Diosca dragontapish pilluric culebratapish, leviatán culebratapish paipac manchana espadahuan huañuchinga. Mama cuchapi tiyac manchana animalcunatapish huañuchingami.

SALMOS 38:8

Ñucaca yallita irquiyashca tucui aicha polvoshca, shungu nanaihuanmi caparicuni.

JOB 30:29

Ñucaca sacha animalcunapac huauquimi tucushcani. Avestruzcunahuan apanacucmi tucushcani.

JOB 23:11

Ñuca chaquicunaca, pai sarushcatami catirca. Paipac ñanmanta mana anchurishpami paillatac catircani.