SALMOS 44:10 - Dios Rimashcata Quillcashcami

¹⁰ Ñucanchictaca piñaccunapac ñaupamanta manchashpa, callpachunmi saquishcangui. Ñucanchicta mana ricunayachiccunapish, tucui charishcacunatami apancuna.

SALMOS 44:10 Referans Kwoze

JOSUÉ 7:8

¡Mandac Dioslla! Israelcunata piñaccuna macashpa mishashpa, catishpa cachacpica, ¿imatatac nishayari?

LEVÍTICO 26:17

Ñucaca cancunata piñashami. Shina piñacpimi, cancunata piñaccunaca atishpa chugrichinga. Cancunata mana ricunayachiccunami manchachishpa changa. Manapish pi ima nicucpimi, miticushpa puringuichic.

SALMOS 89:41

Ñanta pasaccunaca tucuimi shuhuashpa rincuna. Cuchullapi causaccunapish burlashpami asincuna.

JOSUÉ 7:12

Chaimantami israelcunaca paicunata piñaccunahuan macanacunata mana pudincuna. Ashtahuanpish paicunata piñaccunapac ñaupamantaca manchashpami callpangacuna. Paicunapish ñuca tucuchingapac chicanyachishtaca cancunapac chaupimanta mana anchuchishpa chingachicpica, ñucaca mana ashtahuan cancunahuan cashachu.

DEUTERONOMIO 28:25

Mandac Diosca cancunataca piñaccunapac maquipimi llaquichichun churanga. Cancunaca macanacungapacca shuc ñanllatami llucshinguichic. Cutin paicunapac ñaupamantaca canchis ñantami cutinguichic. Chaita ricushpaca, tucui cai pachapi tiyac jatun mandaccunami mancharinga.

JEREMÍAS 20:8

Ñuca caparishpa huacashpaca: «Yalli llaquichinallata, tucurinallatami» huillacuni. Mandac Dioslla, can rimashcata huillacpica, punzhantami rimashpa, pingaichishpa asincuna.

JEREMÍAS 15:13

Cancunapac juchacunamantami cancunapac llactapi ima tiyashcacunatapish, sumac charinacunatapish shuhuaccunaman yanga cushpa cusha.

ISAÍAS 10:14

Chai llactacunapac charishcataca cuzhapi maquita satishpa rurucunata taric shinami japircani. Shitashca rurucunata tandac shinami tandachircani. Chashna japicucpica, ima animalpish mana alasta pascarcachu. Shinallatac huacangapacpish mana picota pascarcachu» nirca.

ISAÍAS 10:6

Ñucata mana manchac, ñucata piñachic llactata, ñuca piñashca gentecunata llaquichichunca paitami cachasha. Chashna cachacpimi, tucui charishcacunata quichushpa, ñanpi siric turuta shina sarunga.

1 SAMUEL 4:17

Shina tapucpimi, chai runaca: —Filisteocuna macanacushpa mishacpimi, israelcunaca miticushpa callparca. Israelcunapurapica achca huañushcami tiyan. Cambac churicuna, Ofnitapish, Fineastapish huañuchishpami Diospac Arcatapish quichushpa aparcacuna— nirca.

LEVÍTICO 26:14

Cancuna mandashcacunata mana uyashpa, mana pactachicpi,

NÚMEROS 14:42

Mandac Diosca mana cancunahuanchu, ama richicchu. Chaiman rishpaca, piñaccunapac ñaupapi huañunguichicmi.

NÚMEROS 14:43

Chaipica amalecitacuna, cananeocunami espadahuan huañuchingapac chapacun. Mandac Diosta catinata saquishcanguichicmi. Chaimantami Mandac Diosca cancunahuanca mana can— nirca.

DEUTERONOMIO 31:17

Chaimantami chai punzhapica paicunahuanca nina japiric shina piñarisha. Paicunata saquishpa, mana tigra ricucpimi tucuringa. Paicunataca achca llaquicuna, manchaicunami japinga. Chai llaquicunahuan cashpami: “¿Manachu chai llaquicunaca ñucanchic Dios mana ñucanchic-huan cacpi japicunga?” ninga.

SALMOS 60:12

Dios-huanca jatun mancharinacunatami ruhuashun. Paimi ñucanchicta piñaccunata sarunga.

SALMOS 89:39

Canta servic-huan ari nishcatapish paquishcanguimi. Paipac coronatapish sarushpami yangapi churashcangui.

SALMOS 89:43

Paipac espadataca filo illactami ruhuashcangui. Jatun macanacuipipish mana ayudarcanguichu.