SALMOS 43:4 - Dios Rimashcata Quillcashcami

⁴ Cambac altar cuchumanmi yaicusha. Canca ñucata cushichic Diosmi cangui. Ñuca Dioslla, arpapi tocashpami alli nisha.

SALMOS 43:4 Referans Kwoze

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

SALMOS 57:8

¡Ñuca almalla, ricchariyari! ¡Arpapish, salteriopish ricchariyari! Mushuc punzhata ricuchishpami riccharisha.

SALMOS 33:2

Mandac Diostaca arpapi tocashpa pagui nichicyari. Chunga cuerdayuc tocanacunapi tocashpa cantaichicyari.

SALMOS 81:2

Himnocunata tocashpa panderocunapi huactaichic. Sumacta huacac arpapipish, salteriopipish tocaichic.

SALMOS 42:6

Ñuca Dioslla, ñuca almaca llaquihuan shaicushcami. Chaimantami canta yuyarini. Jordán yacu cuchu llactamanta, Hermón urcumanta, Mizar urcumantami canta yuyaricuni.

SALMOS 26:6

Mandac Dioslla, ñuca ima millaita mana ruhuashcamantami, maquita jahuarishpa cambac altar muyundiman risha.

2 SAMUEL 6:5

Davidpish, tucui israelcunapish cushicushpami caspimanta ruhuashca arpapi, panderopi, salteriopi, flautapi, cimbalopi tocashpa Mandac Diospac ñaupapi danzarca.

ROMANOS 5:11

Shinallatac Apunchic Jesucristomanta Dios-huan alli tucushcamantapishmi Diosmanta yallita cushicunchic.

APOCALIPSIS 5:8

Pillushca pangata ña japicpica, chai chuscu causaita chariccunapish, chai ishcai chunga chuscu yuyaccunapish Pactalla Ovejapac ñaupapimi cungurircacuna. Tucui paicunaca arpacunatami charicurcacuna. Curi vasocunapipish incienso jundatami charicurcacuna. Chai inciensoca Diospaclla caccuna Diosta mañashcacunatami nisha nin.

SALMOS 57:9

Jatun Dioslla, tucui gentecunapac chaupipimi canta alabasha. Tucui llactacunapac chaupipimi salmocunata cantasha.

SALMOS 63:2

Cambaclla huasipi ricushca shinallatacmi, cambac yachaitapish, cambac cushicuitapish ricusha nini.

ZACARÍAS 13:9

Chai quimsa partepi chicanyachishcataca ninapi churashpami ricusha. Cullquita yacuyachic shinami yacuyachisha. Ninapi churashpa alli curita ricuc shinami ricusha. Shina ruhuacpimi, paicunaca ñuca shutita mañanga. Paicuna mañashcata ñuca uyashpaca: “Ñuca acllashcacunami canguichic” nishami. Cutin paicunaca: “Ñucanchicta Mandac Diosmi cangui” ningami» ninmi.