SALMOS 42:6 - Dios Rimashcata Quillcashcami

⁶ Ñuca Dioslla, ñuca almaca llaquihuan shaicushcami. Chaimantami canta yuyarini. Jordán yacu cuchu llactamanta, Hermón urcumanta, Mizar urcumantami canta yuyaricuni.

SALMOS 42:6 Referans Kwoze

SALMOS 61:2

Ñuca shungu huañugricucpica, allpa tucurimantami canta caparisha. Ñucataca yalli jatun rumi jahuaman pushaiyari.

JONÁS 2:7

Ñuca huañunalla cashpami Mandac Dios canta yuyarircani. Ñuca mañashcaca cambaclla huasimanmi chayarca.

SALMOS 43:4

Cambac altar cuchumanmi yaicusha. Canca ñucata cushichic Diosmi cangui. Ñuca Dioslla, arpapi tocashpami alli nisha.

SALMOS 22:1

¡Ñuca Dioslla, ñuca Dioslla! ¿Ima nishpatac ñucallata saquinguiyari? ¿Ima nishpatac ñucamantaca caruyanguiyari? Quishpichiyari nishpa, ñuca caparishcataca, ¿ima nishpatac mana uyanguiyari?

2 SAMUEL 17:22

Shina huillacpimi, Davidpish, paihuan cac gentecunapish Jordán yacuta tucui mashna pasarca. Cayandi achicyangacamanca shucllapish mana saquirishpami tucui pasarca.

SAN MATEO 27:46

Chai horasllatacmi Jesusca: «Elí, Elí, ¿lama sabactani?» nishpa, caparirca. Chaica: “Ñuca Dios, ñuca Dios, ¿ima nishpatac ñucallata saquinguiyari?” nisha ninmi.

SAN MATEO 26:39

Jesusca ashata chainicman rishpa, pambacaman cumurishpa, Diosta mañashpaca: «Ñuca Taitalla, cai llaquita ñucamanta anchuchiyari. Shina cacpipish ama ñuca munashcata ruhuaichu, ashtahuanpish can munashcata ruhuai» nirca.

SALMOS 133:3

Hermón urcuta tutamanta garua shamushpa, Sión urcuman chayamuc shinami can. Chaipimi Mandac Diosca bendiciashpa huiñai causaita cun.

2 SAMUEL 17:27

Mahanaim puebloman David chayashca quipami Amón llacta Rabá pueblopi causac Nahaspac churi Sobipish, Lodebar pueblopi causac Amielpac churi Maquirpish, Galaad llacta Rogelim pueblopi causac Barzilaipish tupangapac llucshircacuna.

SALMOS 43:5

Ñuca almalla, ¿ima nishpatac shaicushpa, ñuca ucupi llaquiricunguiyari? Diosta alabanaracmi cani. Chaimanta paita shuyailla. ¡Paica ñuca Diosmi, ñuca quishpichicmi!