SALMOS 40:5 - Dios Rimashcata Quillcashcami

⁵ Mandac Dioslla, ñuca Dioslla, jatun mancharinacunataca achcatami ruhuashcangui. Ñucanchicman allita ruhuana yuyaillami cangui. Can ruhuashca allicunaca mana yupaipacmi. Can tucui allicunata ruhuashcata cambac ñaupapi yupashpa huillasha nishpapish maita mana yupaipacmi can.

SALMOS 40:5 Referans Kwoze

JEREMÍAS 29:11

Ñucaca cancunaman ima ruhuanata yuyaricushcataca yachanimi. Cancuna cushilla shuyashpa causachunca, cancunata llaquichinapac randica, cushi causaitami cusha. Chaitaca Mandac Dios ñucami nini.

ÉXODO 15:11

Mandac Dioslla, ¿pitac can shinaca tiyanyari? Can shina jucha illac Dios shinaca, ¿pitac tiyanyari? Mancharinacunata ruhuashcamanta alli nina Diosca, ¿pitac tiyanyari? Canca sumaimanata ruhuacmi cangui.

SALMOS 71:15

Can cashcata ruhuac cashcata, can quishpichic cashcataca tucui punzhami ñuca shimica huillacungalla. Maita mana yupaipac cacpipish huillacushallami.

SALMOS 92:5

¡Mandac Dioslla, can ruhuashcacunaca mai jatunmi! ¡Cambac yuyaica pi mana entendipac yallita jatunmi!

SALMOS 136:4

Paillami jatun mancharina sumaimanacunataca ruhuarca. ¡Paica huiñaita llaquicmi!

SALMOS 139:6

Cambac yachaica sumaimanami. Canca jatun yachacmi cangui. Cambac yachaitaca mana entendinichu.

JOB 9:10

Paimi pipish mana yachai pudipac mancharinacunata, mana yupaipac sumaimanacunata ruhuan.

JOB 5:9

Paica pipish mana ruhuaipac mancharinacunata, shinallatac mana yupaipac sumaimanacunatami ruhuan.

JOB 26:14

Cai ruhuashcacunaca callari ruhuaicunallami. ¡Paimantaca asha ashallatami uyanchic! Paipac jatun podertaca ¿pitac alli yachai pudinga?» nirca.

ÉXODO 11:8

Chaimantami tucui canta serviccunaca ñucapac ñaupapi cungurishpa: “Canpish, tucui canta caticcunapish llucshishpa richic” ninga. Chai quipaca ñucapish rishallami— nirca. Shina nishpami, Moisesca yallita piñarishpa, Faraonpacmanta llucshirca.

SALMOS 73:28

Ñucamanca Diospac cuchupi canami tucuimanta yalli alli. Can tucui ruhuashcacunata huillangapacmi can jatun Mandac Diosta shuyashpa causani.