SALMOS 4:1 - Dios Rimashcata Quillcashcami

¹ ¡Cashcata ruhuac Dioslla, ñuca caparishpa mañashcata uyaiyari! Canmi ñuca llaquihuan cacpica, cushichircangui. Ñucata llaquishpa, ñuca mañashcata uyaiyari.

SALMOS 4:1 Referans Kwoze

2 CORINTIOS 1:10

Diosmi chai huañuna llaquimanta huacaichirca. Paillatacmi chai llaquimanta huacaichicun, paillatacmi tucui llaquimanta huacaichishpa catinga yuyanchicmi.

SALMOS 119:132

Ñucapacman tigramuiyari. Cambac shutita cuyaccunata shinallatac ñucataca llaquiyari.

SALMOS 25:16

Ñucaca shitashca llaquillami cani. Mandac Dioslla, ñucata ricushpa llaquiyari.

JEREMÍAS 23:6

Pai mandacui punzhacunapica Judá llactapi causaccunaca quishpiringami. Israelcunapish imata mana manchashpami Mandac Diospi shunguta churashpa causanga. Chaimantami: “Mandac Diosca ñucanchicman cashcata ruhuacmi” nishpa cayangacuna.

SALMOS 17:6

Dioslla, uyaiyari. Can uyaclla cacpimi mañani. Cambac ringrihuan ñuca mañashca shimicunata uyaiyari.

HABACUC 3:19

¡Mandac Diosca ñuca jarcarina sinchi torre shinami! Paica ñuca chaquicunata tarugapac chaqui shinata ruhuashpami, jahua urcucunata purichinga.

ISAÍAS 45:24

Ñucamantaca: “Cashcata ruhuanapish, tucui poderpish Mandac Dios-huanmi” ningacunami. Mandac Dios ñucapacmanmi shamunga. Ñucata yallita piñaccunaca tucuimi pingaichishca canga.

SALMOS 143:2

Cambac ñaupapica cashcata ruhuacmi cani nishpaca pi mana ningachu. Canta servictaca ama taripaichu.

SALMOS 57:1

Ñuca Dioslla, ñucata llaquiyari, ñucata llaquiyari. Canpimi ñuca shunguta churani. Cai jatun llaqui pasangacaman cambac alas ucupi miticusha.

SALMOS 45:1

Ñuca shungumantaca sumac shimicunami llucshin. Jatun mandacmanmi cantacuni. Ñuca calluca utca quillcac runapac quillcana pluma shinami.

SALMOS 22:1

¡Ñuca Dioslla, ñuca Dioslla! ¿Ima nishpatac ñucallata saquinguiyari? ¿Ima nishpatac ñucamantaca caruyanguiyari? Quishpichiyari nishpa, ñuca caparishcataca, ¿ima nishpatac mana uyanguiyari?

1 SAMUEL 17:37

Chashnallatacmi Davidca: —Mandac Diosca leonpac, osopac shimimantapish quishpichircami. Paillatacmi cai filisteo runapac maquimantapish quishpichinga— nirca. Shina nicpimi, Saulca Davidtaca: —¡Shina cashpaca rilla! Mandac Dios canhuan cachun— nirca.

2 CORINTIOS 1:8

Cuyashca criccuna, Asia llactapi ñucanchic jatun llaquita apashcata yachachunmi munanchic. Mana apaipac llaquita charishpami, ña mana ashtahuan causashunchu nishpa yuyarcanchic.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

SALMOS 76:1

Diosca Judá llactapica ricsishcami. Israel llactapica paipac shutitaca alli nincunami.

SALMOS 67:1

Dioslla, ñucanchicta llaquishpa bendiciaiyari. Cambac cuyaita ricuchishpa cushilla ñahuihuan ricuiyari.

SALMOS 42:1

Ñuca Dioslla, taruga yacuta huacashpa mashcac shinami ñuca almapish cantaca mashcacun.

SALMOS 31:8

Piñacpac maquipica mana churarcanguichu. Ashtahuanpish ñuca chaquicunataca pi mana llaquichina pushtupimi churarcangui.

SALMOS 24:5

Chashna alli runatami Mandac Diosca bendicianga. Quishpichic Diosmi paimanca cashcata ruhuanga.

SALMOS 11:7

Mandac Diosca cashcata ruhuac cashcamantami imatapish cashcallata ruhuachun munan. Paipac ñahuitaca cashcata ruhuaccunallami ricunga.

SALMOS 116:16

Mandac Dioslla, ñuca mañashcata uyaiyari. Ñucaca canta servicmi cani. Canta servic huarmipac huahua, canta servicmi cani. Canmi huatashcamanta cacharichircangui.

SALMOS 116:6

Mandac Diosca yangalla runacunata ayudacmi. Ñucataca huañushca shina siricuctami quishpichirca.

SALMOS 56:1

Ñuca Dioslla, ñucata llaquichingapac caticuncunami. Chaimanta ñucataca llaquiyari. Punzhantami llaquichincuna.

SALMOS 41:12

Ñucataca tucui pandarinamantami huacaichishcangui. Tucui causaipimi cambac ñaupapi charirashcangui.

SALMOS 6:1

Mandac Dioslla, ama piñarishpa rimaichuyari. Ama piñarishpa yallita llaquichichuyari.

JOB 36:16

Chashnallatacmi cantapish llaqui causaimanta llucchishpa, ima llaqui mana tiyac pushtuman apashpa, miza junda micunatapish cunga.