SALMOS 39:8 - Dios Rimashcata Quillcashcami

⁸ Ñucataca canta mana cazuccunamanta huacaichiyari. Chai mana entendic runa asichunca ama saquinguichu.

SALMOS 39:8 Referans Kwoze

SALMOS 44:13

Ñucanchic ladollapi causaccuna camishpa rimachun, ñucanchic muyundipi causaccuna burlachunmi churangui.

SALMOS 79:4

Ñucanchic vecinocunapac camishcami canchic. Ñucanchic muyundi llactapi causaccunapac burlashpa asishcami canchic.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

SAN MATEO 1:21

Paica shuc cari huahuatami charinga. Chai huahuataca JESÚS shutitami shutichingui. Paimi pai acllashcacunataca juchacunamanta quishpichinga. Chaimantami chai shutica canga» nirca.

MIQUEAS 7:19

Canca cutinllatacmi ñucanchictaca llaquingui. Ñucanchic ima mana allita ruhuashcacunataca sarushpami, ñucanchic juchacunataca ucu mama cuchapi shitangui.

JOEL 2:17

Mandac Diospacta ruhuac curacunaca pungu yaicuna altar chaupipi shayarishpa: “Mandac Dioslla, can acllashcacuna mana allita ruhuashcataca perdonaiyari. Paicunata burlashpa pingaichichun ama saquinguichu. Shuctac llactacuna mandachunpish ama saquinguichu. Shuctac gentecunaca: ‘¿Maipitac paipac Mandac Diosca?’ ningami” nishpa mañaichicyari.

SALMOS 130:8

Paimi tucui israelcunapac juchacunataca perdonanga.

SALMOS 119:39

Camiccunamanta ñucata caruyachiyari. Can mandashcacunaca mai allimi.

SALMOS 65:3

Ñuca juchacunallatacmi ñucataca aticun. Shina cacpipish canca perdonanguimi.

SALMOS 57:3

Pai Diosmi jahua pachamanta cashcata nic, llaquic cashcata ricuchishpa ñucata huañuchisha niccunamanta quishpichinga.

SALMOS 51:14

Ñucata quishpichic Dioslla, huañuchiccunamanta huacaichiyari. Can cashcata ruhuac cashcamantami ñuca calluhuanca canta cantasha.

SALMOS 35:21

Ñucata yallita shimita pascashpa rimashpaca: «¡Aja, ñucanchic ñahuihuantacmi ricunchic!» nincuna.

SALMOS 25:18

Ñuca mai llaquita apashpa causacushcataca ricuiyari. Ñuca juchacunata tucui perdonailla.

SALMOS 25:11

Mandac Dioslla, ñucaca jatun juchatami ruhuashcani. Cambac shuti alli nishca cachunca perdonaiyari.

JOEL 2:19

Mandac Diosca paicuna mañashcata uyashpaca: «Ñuca micunatapish, llullu vinotapish, aceitetapish cucpi, mana nicta micunguichicmi. Llactacunapi burlashpa pingaichichunpish mana saquishachu.

SALMOS 130:6

Ñuca almaca pueblota cuidaccuna pacarichun shuyac shinami, Mandac Diosta shuyacun.