SALMOS 39:6 - Dios Rimashcata Quillcashcami

⁶ Runaca shuc llandu shinallami. Yangami imatapish charinata munan. Pai charishcacunata pi japina cashcatacami mana yachanchu.

SALMOS 39:6 Referans Kwoze

ECLESIASTÉS 2:26

Diosca, paipac ñaupapi alli causac runallamanmi alli yuyaita, alli yachaita, cushicuita cun. Ashtahuanpish juchayuc runamanca charishca jahuapish, ashtahuan tandachichunmi cun. Chai huacaichishcacunataca Diospac ñaupapi alli causac runaman cungapacmi chashnaca cun. Chaicunapish huairata caticuc shina yangallami.

SANTIAGO 4:14

Caya punzha ima tucuna cashcataca, mana yachanguichicchu. Cancunapac causaica puyu ashata ricurishpa, tigrai chingaric shinallami.

1 CORINTIOS 7:31

Cai pachapi ima tiyashcahuan cushicuccunaca ama cushicuchun. Cai pachapi ima tiyashcacunaca chingaringallami.

ECLESIASTÉS 12:13

Cai tucui yachachishca uyashca quipaca, ña tucuchingapacca tucurina rimaicunatami nini. Diosta manchangui. Pai mandashcacunata pactachingui. Tucui caicunatami runacunaca ruhuana can.

ECLESIASTÉS 5:14

Chai charishcacunataca yangalla tucuchishpami, paicunapac huahuacunamanca imata mana cushpa, chushac maquillata saquincuna.

1 PEDRO 5:7

Ima llaquicuna japicpipish, Diospac maquipi churaichic. Paica cancunata cuidacunmi.

SAN LUCAS 12:29

Chaimanta ama llaquirishpa: “¿Imatatac micushun, imatatac ubiashun?” nishpa puricuichicchu.

ISAÍAS 55:2

¿Imapactac cullquitaca manapish micunapi tucuchinguichic? ¿Imapactac manapish huicsa pactata micungapac trabajanguichic? Ñuca rimashcata alli uyaichic. Allillata micuichic. Chashna micushpami, cushilla shungu canguichic.

ECLESIASTÉS 12:8

Huillac runaca: «Imapish yangallami cashca. Tucui imapish yangallatami» nirca.

ECLESIASTÉS 2:8

Curitapish, cullquitapish, jatun mandac charinacunatapish achcatami tandachircani. Cantac caricunatapish, huarmicunatapish, tocanacunatapish tucuitami charircani. Chashnami ñucaca gentecuna cushicuna cashca shina, yallita cushicushpa, huarmicunata catipi charircani.

ECLESIASTÉS 1:14

Cai pachapi causaccuna imata ruhuashcataca tucuimi ricurcani. Riqui chaicunaca yangallami. Chaicunaca huairata caticuc shinallami.

PROVERBIOS 13:22

Allita ruhuac runaca herenciatami paipac huahuacunapac huahuacunaman saquinga. Ashtahuanpish juchayuc runapac charishcaca cashcata ruhuac runaman cungapacmi huacaichishca.

SALMOS 127:2

Yangallami cancunaca utca trabajoman llucshishpa, tutayanata samaringapac cutinguichic. Micungapacllami shaicucta trabajanguichic. Diosca pai cuyashcacunataca sumactami samachin.

1 PEDRO 1:24

Dios quillcachishcapica: «Tucui gentecunaca quihua shinallami. Paicuna jatunmi cani nishcapish, sisashca quihua shinallami. Quihua chaquiricpica, sisaca urmanllami.

SANTIAGO 5:3

Cancuna charishca curipish, cullquipish mujusyashcami. Chai mujusyashcallatacmi, cancuna mana alli cashcataca ricuchishpa, nina shina llaquichinga. Cancunaca cai tucuri punzhacunapami, charinacunataca yallita tandachishcanguichic.

PROVERBIOS 27:24

Ima charishcacunapish mana huiñaicamanchu. Coronapish mana huahua huahuacunacamanchu.

PROVERBIOS 23:5

¿Charic tucunaca yangalla cashcataca, manachu ricungui? Chaicunaca alas huiñacpi, anga jatarishpa jahuata ric shinami, cungailla chingarinlla.

JOB 7:7

Ñuca Dioslla, ñuca causaica huaira shinami chaitaca yuyariyari. Ñuca ñahuica alli causaitaca mana ashtahuan ricungachu.

JOB 7:16

Ñuca causaica mana valinchu. Mana unaita causasha ninichu. Ñucata ña huañuchun saquilla. Ñuca causana punzhacunaca yangami.

JOB 14:1

Huarmimanta huacharishcaca, asha punzhacunallatacmi causan. Llaquicunataca yallitami charin.

SALMOS 89:48

¿Pi runata mana huañushpa causacungalla? ¿Pitac Seolman rinamantaca quishpiringa?

SALMOS 144:4

Gentecunaca samai shinallami. Paicuna causana punzhacunaca llandu shinallami.

ECLESIASTÉS 11:10

Cambac shungumantaca piñarina yuyaita, cambac cuerpomantaca ima mana allita ruhuana yuyaita anchuchi. Huambrarac cashpa cushicunaca yangallami.

SAN LUCAS 12:26

Caillatapish mana ruhuai pudishpaca, ¿ima nishpatac imamantapish llaquiricunguichic?