Biblia Todo Logo
Bib sou entènèt

- Piblisite -




SALMOS 39:1 - Dios Rimashcata Quillcashcami

1 Ñucaca: «Ñuca calluhuan mana juchallingapacmi alli yuyaihuan causasha. Diosta mana cazuccunapac ñaupapica shimipi frenota churac shinami millaita rimanamanta jarcarisha» nircani.

Gade chapit la Kopi




SALMOS 39:1
21 Referans Kwoze  

Imatapish rimarinamanta calluta jarcaric runaca paipac causai ama llaquita apachunmi cuidan.


Mandac Dioslla, ñuca shimi ama imatapish rimarichunca cuidacta churaiyari. Ñuca shimi punguta cuidaiyari.


Maijanpish “ñucaca Diosta alli cricmi cani” nishpapish, paipac calluta mana jarcaricca paillatacmi pandaricun. Pai “alli cricmi cani” nishcaca, yangallami can.


¿Ima shinatac quipa huiñaicunaca paipac causaipi chuya canga? Cambac rimashcata cazushpami chuya canga.


Chaita munashpaca cambac calluhuan mana allita rimanamanta cuidaringui. Cambac shimihuan llullanata jarcaringui.


Chaimantami alli ñanta mana chingachingapac ñucanchic uyashcataca yuyarashpa cana canchic.


Causanapish, huañunapish callupimi tiyan. Imatapish rimanata munac runaca chaillatatacmi japinga.


Mandac Dios ñucataca: “Cambac huahuacuna ñuca ñaupapi purishpa, ñuca ñanmanta mana anchurishpa tucui shunguhuan, tucui almahuan alli cazucpica, cambac huahua huahuacunamantaca israelcunata mandaccunaca jaicapi mana illangachu” nircami.


Cristohuan manarac caccunahuan tandarishpaca, yachaccuna shina caichic. Shinallatac tiempo tiyashcapica allitac ruhuaichic.


Chaicunaca: «Ñucanchictaca pi mana upallachingachu. Ñucanchic rimaihuanca mishashunllami. ¿Pitac ñucanchictaca mandanga?» nincunami.


Diosllami ñuca almataca samachin. Paillami ñucataca quishpichin.


Shina nicpimi Jobca: —¡Canca maijan yuyai illac huarmi shinami rimaringui! Diosmantami allicunata japishcanchic. ¿Manachu ima llaquicunatapish japina canchic?— nirca. Chai tucui llaquicuna japicpipish, Jobca paipac shimihuan millaita rimashpaca mana juchallircachu.


Diostaca caparishpami mañarcani. Diostami caparircani, paica uyarcami.


Ashtahuanpish Jehuca israelcunata Mandac Dios mandashcataca mana tucui shunguhuan cazurcachu. Israelcunata Jeroboam ruhuachishca juchacunatapish mana saquircachu.


Chai punzhacuna mana alli cashcamanta alli yuyaiyuc runaca upallami.


Shinallatac mandac Diosta cantachunca Hemanta Jedutuntami caishuc acllashcacunahuan chaipi saquirirca. Mandac Diospac cuyaica huiñai huiñaita cashcamantami chaipi cantachun saquirca.


Swiv nou:

Piblisite


Piblisite