SALMOS 37:8 - Dios Rimashcata Quillcashcami

⁸ Yallita piñarinata cungaringui. Chai piñarina yuyaita saquingui. Mana allita ruhuanataca amatac munanguichu.

SALMOS 37:8 Referans Kwoze

PROVERBIOS 14:29

Alli yuyaita chariccunami mana utca piñarin. Ashtahuanpish shungupi utca piñaric runaca yuyai illac cashcatami ricuchin.

PROVERBIOS 16:32

Yallita sinchi runa canapac randica, mana utca piñaric canami ashtahuan alli. Quiquinllatac jarcaric runaca shuc pueblota japic runatapish, ashtahuan yalli allimi.

EFESIOS 4:31

Shungu ucullapi piñashca canata, imapish llaquichinata, pitapish piñanata, camishpa rimanata, rimashpa caparinata, shinallatac tucui mana allicunataca saquichic.

EFESIOS 4:26

Imamanta piñarishpapish, ama juchallichicchu. Piñarishpapish, ama tucui punzha piñashcalla caichicchu.

COLOSENSES 3:8

Ashtahuanpish cunanca piñanacunata, mana allita ruhuana yuyailla purinata, millai canata, caminata, shinallatac maipish cachun rimanata saquinami canguichic.

JOB 5:2

Yuyai illac runataca piñarina yuyai, shuccuna charishcata munana yuyaimi huañuchicun.

JONÁS 4:1

Ashtahuanpish Jonasca Nínive llactapi causaccunata Dios mana llaquichishcamantami yallita piñarirca.

JONÁS 4:9

Shina nicpimi, Mandac Diosca: —¿Chai higuera yura chaquishcamantachu yallita piñaringui?— nirca. Shina nicpimi Jonasca: —¡Ari, huañungacamanmi piñarini!— nirca.

JOB 18:4

¡Yallita piñarishpa tucuricuc runalla! ¿Canllamantachu llactaca shitashca saquiringa? ¿Rumi quingraicunapish tiyacushca pushtumantaca cuyuchishcachu canga?

SALMOS 73:15

Ñucapish paicuna nishcata rimashpaca can Diospac huahuacunata pandachimanmi.

SALMOS 31:22

Ñucaca manchaihuan upayashpami: «Cambac ñaupamantaca anchuchishca cani» nishpami yuyarcani. Ashtahuanpish caparishpa mañacpica, uyarcanguimi.

SALMOS 116:11

Yalli llaquihuan musparishpami: «Tucui gentecunami llullaccuna» nircani.

1 REYES 11:22

Shina nicpimi Faraonca: —¿Imapactac risha ningui? ¿Cambac llactaman ringapacca caipica imatac illan?— nirca. Shina nicpimi paica: —Imapish mana illanchu. Shina cacpipish ñuca llactaman richun saqui ninimi— nirca.