SALMOS 36:6 - Dios Rimashcata Quillcashcami

⁶ Cashcata can ruhuashcapish cambaclla jatun urcucuna shinami. Can mandashcacunaca jatun mama cucha yacu shinami. Mandac Dioslla, gentecunatapish animalcunatapish cambac maquipi charingui.

SALMOS 36:6 Referans Kwoze

1 TIMOTEO 4:10

Diosca causacmi, tucui cai pachapi causaccunata Quishpichicmi, ashtahuancarin paipi shunguta churaccunatami quishpichin. Chaimantami maijancuna piñacpipish, llaquita apashpa paipactaca ruhuashpa caticunchic.

ROMANOS 11:33

¡Dios mandanapish, yachaipish, yuyaipish yalli jatunmi! Pai yuyacushcapish, maita mana yachaipacmi. Pai ruhuashcapish mana entendipacchu.

SALMOS 77:19

Cambac ñanca mama cuchatami rirca. Jatun timbucuc yacu chaupitami cambac purina ñantaca ruhuarcangui. Cambac chaqui sarushcataca pi mana ricsi pudircachu.

SALMOS 71:19

Dioslla, jahua pachaman chayactami cashcata ruhuashcangui. Canmi jatun mancharinacunata ruhuashcangui. ¡Dioslla, can shinaca pi mana tiyanchu!

ISAÍAS 45:19

Ñucaca cai pachapica mana pacalla amsapichu rimarircani. Jacobopac huahua huahuacunataca: “Ñucataca yangami mashcanguichic” mana nircanichu. Ñucaca cashcata, allita rimac Mandac Diosmi cani.

SALMOS 145:9

Mandac Diosca tucuihuanmi alli. Tucui pai ruhuashcacunaca pai llaquishcamantami tiyan.

SALMOS 97:2

Amsa puyupish muyundipimi tiyacun. Paipac mandana callari rumi shinaca cashcata ruhuana, allita ruhuanami.

SALMOS 92:5

¡Mandac Dioslla, can ruhuashcacunaca mai jatunmi! ¡Cambac yuyaica pi mana entendipac yallita jatunmi!

ROMANOS 3:25

Diosca gentecunamanta yahuarta jichashpa huañuchunmi Jesucristotaca cacharca. Jesucristota crishpallami quishpirinchic. Ñaupaca, Diosca mana piñaric cashpami, ñucanchic juchacunata perdonarca.

JONÁS 4:11

Ñucaca, ¿manachu patsac ishcai chunga huaranga runacuna causana Nínive llactamantaca llaquisha? Paicunaca maijan alli lado maqui, lluqui lado maqui cactapish mana yachaccunami. Shinallatac animalcunapish chaipi tiyanmi— nirca.

ISAÍAS 40:28

Huiñaita causac Diosca Mandac Diosmi. Chaitaca, ¿manachu yacharcanguichic? ¿Manachu uyashcanguichic? Paimi tucui cai pachataca ruhuarca. Paica mana shaicunchu, mana fuerza illac saquirinchu. Paipac yuyaitaca pi mana yachai pudinchu.

SALMOS 147:9

Paimi animalcunamanpish micunata cun. Cuervocunapac huahuacuna micunata mañacpipish paimi caran.

JOB 37:23

Tucuita ruhuac Diosmantaca mana yachai pudinchicchu. Paica imatapish cashcata ruhuac, pitapish mana llaquichic Diosmi can.

JOB 7:20

Runacunata ricucuc Dioslla, juchacunata ruhuashpapish cantaca, ¿imatatac ruhuashcaniyari? ¿Ima nishpatac cambac flechahuan shitana señalta shina ñucallata ricuchingui? Ñucallatacmi shuc llashac carga shina tucushcani.

NEHEMÍAS 9:6

Chaipi tucui gente mañashpaca: «Canllami Mandac Dios cangui. Canmi jahua pachatapish, ashtahuan jahua pachatapish, chaipi ima tiyaccunatapish, allpatapish, mama cuchatapish, chaipi ima tiyaccunatapish, ruhuashcangui. Tucuiman causaita cushcamantami, jahua pachapi causac angelcunaca, cantaca allimari cangui nincuna.

1 SAMUEL 14:15

Chaimantami carpa huasicunapi caccunapish, pambapi caccunapish tucui gentecuna yallita mancharirca. Cuidac soldadocunapish, cungailla yaicushpa macac soldadocunapish munaimi mancharirca. Allpapish chucchurcami. Chaimantami yallita mancharishpa imatapish mana ruhuai pudircacuna.

DEUTERONOMIO 32:4

Paica jatun Rumi shina Diosmi. Paipac ruhuashcaca tucui allimi. Pai ruhuashcaca allita ruhuashcami. Paica cashcata nic Diosmi. Paipica ima mana allica mana tiyanchu. Paica cashcata ruhuacmi.

ÉXODO 9:28

Dios cachashca relampapish, rundupish anchurichun, Mandac Diosta mañaichic. Ñucaca ña mana ashtahuan jarcashachu, cancunaca ringuichicllami— nirca.

GÉNESIS 18:25

Can Diosca tucui cai pachapi allita ruhuacmi cangui. Chashna cashca jahuaca, ¿allita ruhuaccunataca Diosta mana cazuccunahuan pactachu chingachingui? Chaitaca jaicapi mana ruhuanguichu— nirca.

JEREMÍAS 12:1

Mandac Dioslla, ñuca imata tapucpipish, cashcata nicmi cangui. Shina cacpipish, caillatami tapunata munani. ¿Ima nishpatac canta mana manchaccunaca alli causancuna? ¿Ima nishpatac canta mana cazuccunaca cushilla causancuna?

DEUTERONOMIO 7:9

Mandac Diosca paita cuyaccunatapish, pai mandashcacunata cazuccunatapish cuyac, pai ari nishcata pactachic, shinallatac cashcata ruhuac Diosmi. Chaitaca yachaichicyari.

SALMOS 31:20

Gentecuna yuyarinacushpa llaquichinamantaca cambac ñaupapi churashpami huacangui. Camishpa llaquichinamantaca cambaclla canhuan tupana huasipimi huacaichingui.

LAMENTACIONES 3:23

Chai cuyaica cada tutamantami mushucyan. ¡Canca tucuita pactachicmi cangui!