SALMOS 36:4 - Dios Rimashcata Quillcashcami

⁴ Paica camapi siricushpapish, millaita ruhuanallatami yuyarin. Millai ñanpi cashpami millaita ruhuanataca mana millanayachin.

SALMOS 36:4 Referans Kwoze

MIQUEAS 2:1

¡Aij, millaillata yuyashpa causaccunalla! ¡Sueñushpa ima millaita ruhuanata yuyariccunalla! Ña pacarimucpica, paicuna yuyarishca shinallatacmi ruhuan. Paicunaca sinchi mandac cashpami chashna ruhuan.

PROVERBIOS 4:16

Paicunaca ima millaita mana ruhuashpaca, mana sueñuncunachu. Pitapish mana pandachishpaca, sueñuitapish mana charincunachu.

ROMANOS 12:9

Mana nic tucushpalla caishuc chaishuc-huan cuyanacuichic. Imapish mana alli ruhuanacunata saquishpa, allita ruhuana yuyailla caichic.

ISAÍAS 65:2

Punzhantami mana cazushpa, quiquin munashca ruhuashpa causac gentecunataca maquita chutashpa cayarcani.

APOCALIPSIS 2:2

Ñucaca can imata ruhuacushcata, can mana shaicushpa trabajacushcata, mana piñarishpa caticushcata, millaicunata mana ricunayachishcata, shinallatac Jesusmanta huillaccunami canchic nishpa llullashpa puriccunata taripashcatapish yachanimi.

SALMOS 97:10

Mandac Diosta cuyaccunaca millaita ruhuanata piñaichicyari. Paipaclla causaccunapac almata cuidashpami paita mana manchaccunapac maquimanta quishpichin.

ROMANOS 1:32

Chashna causaccunata Dios taripashpa llaquichigricushcata yachashpapish, chaicunallatatac ruhuashpami catincuna. Shinallatac shuccuna chaita ruhuacta ricushpacarin “allimi” nincunami.

HECHOS 23:12

Cayandi tutamanta maijan israelcunaca Pablota huañuchingacaman manatac micungapac, manatac ubiangapacmi ari ninacurca. Mana chaita pactachicpica, Dios llaquichichunmi ari ninacurca.

SAN MATEO 27:1

Pacarimucucpimi, curacunata mandac curacunapish, israelcunata pushac yuyaccunapish Jesusta ima shina huañuchinata yuyarinacurca.

MIQUEAS 6:8

Huañunalla runa, ñami Mandac Diosca ima alli canataca huillarca. Mandac Diosca cashcata ruhuachun, llaquic cachun, paipac ñaupapi cumurichunmi munan.

AMÓS 5:15

Mana alli ruhuanata millanayachishpa, allita ruhuanata munaichic. Taripashpaca, cashcata ruhuaichic. Chashna ruhuacpi, tucuita Mandac Diosca maijan saquirishca Josepac huahua huahuacunata llaquingapishchari.

JEREMÍAS 8:6

Ñucaca tucuitami alli uyarcani. Allita rimacca mana tiyanchu. Pipish llaquirishpa: “¿Imamantatac ruhuarcaniyari?” nicca mana tiyanchu. Tucui paicunami macanacuiman caballocuna callpac ric shina cada quiquin rincuna.

JEREMÍAS 6:16

Mandac Diosca: «Ñancunapi shayarishpa ricuichicyari. Ñaupa ñancunata tapushpa, maijan ñan alli cashcata acllashpa purichicyari. Chashna ruhuacpica, cancunapac alma samaringami» nirca. Shina nicpipish cancunaca: «Chai ñantaca mana purishunchu» nircanguichicmi.

PROVERBIOS 24:23

Caicunapish yachaisapa cunashca rimashcacunami: Ima llaquita taripacushpaca ñahuita ricushpalla shucpac parte tucunaca mana allichu.

SALMOS 52:3

Allita ruhuanapac randica mana allitaracmi cuyac shina ruhuashcangui. Cashcata ninapac randica llullanatami ashtahuan munangui.

SALMOS 38:12

Ñucata huañuchishun niccunaca ima shina urmachinatami yuyaricuncuna. Ñucata llaquichinata yuyacuccunaca millaitami parlanacuncuna. Ñucata urmachingapacmi tucui punzha yuyarinacuncuna.

JOB 15:16

Yacuta ubiac shina mana allita ruhuac runaca, ¿maitatac alli ricuringayari?

ESTER 6:4

Amán pai shayachishca sipina caspipi Mardoqueota sipichun ningapacmi jatun mandac mandana huasi punguman yaicushca carca. Chaipimi jatun mandacca: —¿Pitac huasi pungupi?— nishpa tapurca.

ESTER 5:14

Shina nicpimi, paipac huarmi Zerespish, paipac ricsishcacunapish Amantaca: —Sipingapac ishcai chunga ishcai metro caspita shayachichun mandai. Chai caspipi Mardoqueota sipingapac cayaca jatun mandacman huillai. Chai quipaca jatun mandac-huan chai jatun micuiman cushilla ringuillami— nircacuna. Chai yuyai alli cacpimi, Amanca chai sipina caspita shayachichun mandarca.

1 SAMUEL 19:11

Chai quipami Saulca Davidpac huasipi chapashpa tutamanta Davidta huañuchichun paipac runacunata cacharca. Shina cacpipish paipac huarmi Micalmi Davidmanca: —Cunan tuta mana cuidarishpaca, cayapacca huañushcami cangui— nirca.

PROVERBIOS 24:2

Paicunapac shungupica macanacunallatami yuyacuncuna. Paicunapac shimica mapacunallatami rimancuna.

JEREMÍAS 4:22

Ñuca acllashcacunaca ñucata mana ricsic yuyai illaccunami. Ñuca huahuacunaca imatapish mana yachac, imatapish mana entendiccunami. Millaita ruhuanataca allita yachancunami. Ashtahuanpish allita ruhuanataca mana yachancunachu.