SALMOS 36:12 - Dios Rimashcata Quillcashcami

¹² ¡Chaipimi chai millai runacunaca urmashpa jaicapi mana jataringacuna!

SALMOS 36:12 Referans Kwoze

SALMOS 1:5

Chaimantami millaita ruhuaccunaca taripana punzhapica, mana jataringacuna. Cashcata ruhuaccunapac tandanacuipipish mana chayaringacuna.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

JEREMÍAS 51:64

Chaipi shitashpaca: “Chashnami cai Babilonia llactaca ucuyanga. Ñuca cachashca llaquimantaca jaicapi mana quishpiringachu. Tucuimi chingaringa” ninmi ningui» nirca. Jeremías huillashcaca caicamanllami.

SALMOS 140:10

Paicunapac jahuapica rupacuc nina urmachun. Maita mana llucshipac nina jatun jutcupi shitashca cachun.

SALMOS 55:23

Ñuca Dioslla, huañuchiccuna, llullaccunaca mana unaita causangachu. Paicunataca chingarina jatun jutcumanmi shitangui. Ashtahuanpish ñucaca canllapimi shunguta churani.

SALMOS 18:38

Urmachishpa ñutushpami chingachircani. Ñuca chaqui ucumantaca mana jatarircacunachu.

SALMOS 9:16

Mandac Diosca cashcata ruhuashpami paipac shutitaca ricsichirca. Ashtahuanpish millaita ruhuaccunaca shuccunata urmachingapac paicunallatac ruhuashca tucllapimi urmarcacuna.

JUECES 5:31

Mandac Dioslla, tucui canta piñaccuna chashna chingarishpa tucurichun. Shinallatac cuyaccunaca inti llucshishpa tucuita achicyachic shina cachun” nishpami cantarca. Chaimanta quipamanca chuscu chunga huatatami israelcunaca cushilla causarca.