SALMOS 36:11 - Dios Rimashcata Quillcashcami

¹¹ Jatun tucushcacuna ñucata saruchun ama saquinguichu. Canta mana manchaccuna paicuna munashcata ruhuachun ama saquinguichu.

SALMOS 36:11 Referans Kwoze

SALMOS 16:8

Ñuca causaipica Mandac Diostami tucuipac ñaupapi churani. Pai ñuca alli ladopi cacpica, imapish mana cuyuchingachu.

SALMOS 119:122

Canta servic ñucataca allita pushaiyari. Chai jatun tucushcacuna ama yallita llaquichichunca jarcanguiyari.

SALMOS 119:85

Can mandashcacunata mana cazuc, jatun tucushcacunaca ñuca urmachunmi jutcuta ruhuashcacuna.

SALMOS 119:69

Jatun tucushca gentecunaca ñucata yangami juchanchircacuna. Shina ruhuacpipish, tucui shunguhuanmi can mandashcacunata cazusha.

SALMOS 119:51

Jatun tucushcacunaca yallitami burlashpa asircacuna. Shina cacpipish can mandashcamantaca manatac caruyarcanichu.

SALMOS 10:2

Millaita ruhuaccunaca jatun tucushpami huacchataca catinta llaquichin. ¡Shina cashpapish huacchacuna urmachun, paicuna churashcallapitacmi urmanga!

DANIEL 4:37

Cunanca Nabucodonosor ñucaca jahua pachata jatun Mandacta “sumaimana cangui” nishpami alli nini. Tucui pai ruhuashcaca pai nic cashcata, ruhuac cashcatami ricuchin. Jatun tucushca gentecunatapish cumurichinmi.

ISAÍAS 51:23

Chai copata canta yallita llaquichiccunapac maquipi churashpaca: “Ñucanchic sarushpa pasangapac cumuri” niccunapac maquipimi churagrini. Shina nicpica, canca ñan allpan shina tucushpa, cambac jahuata pasachunmi saquingui» ninmi.

SALMOS 62:6

Paillami ñuca quishpichicpish, ñuca jarcarina jatun rumipish can. Paimi ñuca miticuna can, pi mana urmachingachu.