SALMOS 34:8 - Dios Rimashcata Quillcashcami

⁸ Mandac Dios alli cactaca cancunallatac ricushpa yachaichicyari. ¡Paipi miticuc runaca maimi cushicun!

SALMOS 34:8 Referans Kwoze

SALMOS 119:103

¡Cambac rimashcacunaca ñuca callupica mai mishquimi! ¡Mishquitapish yalli mishquimi!

JEREMÍAS 31:14

Curacunatapish, ñuca acllashcacunatapish alli micunata cushpami cushichisha» ninmi.

SALMOS 63:5

Ñuca almaca huira aichata micushca shinami cushicunga. Jatun cushicuihuanmi ñuca shimihuan alabasha.

SALMOS 84:12

¡Tucuita Mandac Dioslla, canpi shunguta churaccunaca maimi cushicunga!

ZACARÍAS 9:17

¡Chai llactaca mai sumacmi! Trigoca quipa huiñaicunatami sumacta huiñachinga. Vinoca carihuan manarac chayarishca solteracunatami cushichinga.

SALMOS 36:7

¡Mandac Dioslla, cambac cuyaica mai sumacmari! Chaimantami huañuclla aichayuc runacunaca cambac alas ucupi miticuncuna.

SALMOS 36:10

Canta ricsiccunaman cuyaita ricuchiyari. Alli shungucunaman cashcata ruhuaiyari.

CANTARES 5:1

Ñuca panilla, ñuca huarmilla, ñuca huertamanmi shamurcani. Ñuca mirratapish, mishquilla ashnacuctapish ñami japini. Bunga mishquitapish ñami micuni. Vinotapish, lechetapish ñami ubiani. Ñuca ricsishcacunalla, ñuca cuyashcacunalla, cushicushpa achcata micuichiclla, ubiaichiclla.

SALMOS 2:12

Paipac churita alli nichic, pacta piñarinman. Paica nina japiric shinami piñaringa. ¡Paipi shunguta churaccunaca cushicuichicyari!

CANTARES 2:3

Ñuca cuyashcaca mosocunapac chaupipica, sacha chaupipi manzana yura shinami. Cambac llandupi tiyarinataca yallitami munani. Chai yura pucushcaca ñuca shimipica mishquimari.

SALMOS 52:1

Jatun poderta charic runalla, ¿ima nishpatac mana allita ruhuashpa jatun tucunguiyari? Diosca punzhantami cuyacun.

GÉNESIS 48:16

ñucata mana allimanta cuidac ángel cai huambracunataca bendiciachun. Paicunamanta ñuca shutitapish, taita Abrahampac, Isaacpac shutitapish huiñaita yuyarichun. Achca huahuayuc tucushpa, cai allpapi jundarichun» nircami.

DANIEL 3:28

Chaimantami Nabucodonosorca: «Sadrocpac, Misacpac, Abed-negopac Diosca alli nishca cachun. Paimi, paita yuyarishpa causac, paita servic runacunata quishpichingapac paipac angelta cacharca. Paicunaca ñuca jatun mandac cacpipish, ñuca mandashcata mana cazurcachu. Paicunaca Diosta saquishpa, shuctac diosta servinapac randica, paicunapac cuerpotami rupachun saquirca.