SALMOS 34:6 - Dios Rimashcata Quillcashcami

⁶ Cai huaccha runa caparishpa mañacpica, Mandac Diosca uyashpami tucui llaquicunamanta llucchirca.

SALMOS 34:6 Referans Kwoze

SALMOS 3:4

Ñucaca caparishpami Mandac Diosta mañarcani. Chaitaca paipaclla urcumantami uyarca.

SALMOS 10:17

Mandac Dioslla, yangalla runacuna mañashcataca uyashcanguimi. Paicuna mañashcata uyashpami, paicunapac shungutapish cushichingui.

2 SAMUEL 22:1

Davidca tucui paita piñaccunapac maquimanta, Saulpac maquimanta quishpichishca punzhami Mandac Diosta alli nishpa,

SALMOS 40:17

Ñuca ima illaclla huaccha cacpipish, Mandac Diosca yuyaringami. Mandac Dioslla, ñucata ayudac, ñucata quishpichicmi cangui. ¡Mandac Dioslla, ama unayaichu!

GÉNESIS 48:16

ñucata mana allimanta cuidac ángel cai huambracunataca bendiciachun. Paicunamanta ñuca shutitapish, taita Abrahampac, Isaacpac shutitapish huiñaita yuyarichun. Achca huahuayuc tucushpa, cai allpapi jundarichun» nircami.

1 SAMUEL 1:18

Shina nicpimi Anaca: —Canta servic ñucapish, cambac ñaupapica alli ricurishca cashpami alli caiman— nirca. Shina nishpaca pai maita shamushcata cutishpami micungapac tiyarirca. Chai punzhamanta pachami ña mana ashtahuan llaquilla carca.

LAMENTACIONES 3:56

Ñuca mañashcataca uyarcanguimi. Ñuca caparishpa mañashcata uyaiyari.