SALMOS 34:3 - Dios Rimashcata Quillcashcami

³ Mandac Diostaca ñucahuan pacta alli nichicyari. Paipac shutitaca shuc shinalla tucushpa jatunyachishunchicyari.

SALMOS 34:3 Referans Kwoze

SALMOS 69:30

Ñucaca Diospac shutitaca cantashpami alli nisha. Canta pagui nishpami alabasha.

SAN LUCAS 1:46

Chaimantami Mariaca: «Ñuca yuyaimi Diostaca ‘allimari cangui’ nicun.

SALMOS 40:16

Canta mashcaccunaca tucui mashna yallita cushicuchun. Can quishpichichun munaccunaca: «¡Mandac Diosca jatunmi!» ninataca amatac saquichun.

SALMOS 66:8

Llactacunapi causaccuna ñucanchic Diosta alli nichicyari. Paita cantashpa uyachichicyari.

SALMOS 35:27

Ashtahuanpish manapish faltayuc ñucata misaccunaca cushicushpa cantachun. Punzhanta paicunaca: «¡Mandac Diosca jatunmari, paita servictaca sumacta causachunmi munan!» nichunlla.

APOCALIPSIS 14:7

Pai huillashpaca: «¡Dios taripana punzhaca ñami pactamushca! Shina cashcamanta Diosta manchaichic, shinallatac paita alabaichic. ¡Cai pachatapish, jahua pachatapish, mama cucha yacutapish, shinallatac tucyacuc yacutapish ruhuacta alli nichic!» nirca.

2 CRÓNICAS 29:30

Chaimantami jatun mandac Ezequiaspish, shuctac mandaccunapish levitacunataca David quillcashca shimicunahuanpish, Dios ima nishcata huillac Asaf quillcashca shimicunahuanpish Mandac Diostaca allimari cangui nichun mandarca. Shina nicpimi, paicunaca yallita cushicushpa cungurishpa Diosta alli nircacuna.

1 CRÓNICAS 29:20

Chashna nishca quipami tucui chaipi tandanacushcacunataca: «¡Cancunata Mandac Diosta allimari cangui nichicyari!» nirca. Shina nicpimi, tucui tandanacushcacunaca paicunapac ñaupa taitacunata Mandac Diosta alli nircacuna. Chai quipami Mandac Diospac ñaupapi, jatun mandac Davidpac ñaupapipish cungurishpa cumurircacuna.

HECHOS 19:17

Efeso pueblo israelcunapish, mana israelcunapish chashna tucushcata uyashpaca mancharishpami, Apunchic Jesustaca “allimari cangui” nircacuna.

FILIPENSES 1:20

Imamanta mana pingaichishca canatami, ñuca tucui shunguhuan munani. Shinallatac ñuca causaipi ima ruhuashcacunahuan, ñuca huañushca quipapish Cristoca tucuipac alli nishca cachunmi munani. Chaimantami cunanpish, tucui punzhacunapish paimanta mana manchashpa huillasha nini.

1 CRÓNICAS 16:10

Paipac jucha illac shutipi cushicuichicyari. Mandac Diosta mashcaccunaca, shungupi cushicuichicyari.

SALMOS 69:33

Mandac Diosca huacchacuna mañashcata uyanmi. Pai acllashcacuna prezu cachunpish mana saquinchu.

JEREMÍAS 9:23

Mandac Diosca: «Yachac runapish, pai yachashcamantaca ama allimi cani nichun. Sinchi runapish, sinchi cashcamanta ama allimi cani nichun. Chayuc runapish, chayuc cashcamantaca ama jatun tucuchun.

JEREMÍAS 9:24

Maijanpish ñucata yuyarishcamanta, ñucata ricsishcamanta allimi cani nichun. Ñucami cai pachapica llaquicpish, alli mandacpish, cashcata ruhuacpish cani. Ñucaca chashna ruhuashpa causachunmi munani» nirca.