SALMOS 34:18 - Dios Rimashcata Quillcashcami

¹⁸ Mandac Diosca shungu nanarishcacunapac cuchullapimi. Llaquihuan caccunatapish quishpichingami.

SALMOS 34:18 Referans Kwoze

SALMOS 147:3

Shungu paquirishcacunata allichicmi. Chugricunata jambishpa tapachicmi.

SALMOS 145:18

Mandac Diosca, mana nic tucushpalla paita mañaccunapac cuchupimi.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

SALMOS 51:17

Can Diosca animalta chasquinapac randica shungu paquirishcatami chasquingui. Dioslla, shungumanta llaquirishpa cambacman cuchuyactaca mana piñanguichu.

EZEQUIEL 36:26

Cancunamanca mushuc shunguta, mushuc yuyaitami cusha. Rumi shunguta anchuchishpami cazuc shunguta churasha.

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

SALMOS 85:9

Ñallami paita manchaccunata quishpichinga. Chashna ruhuacpica, ñucanchic llactapimi sumaimana Diosca ñucanchic-huan causanga.

ISAÍAS 55:6

¡Mandac Diostaca tarinalla cacpi, mashcaichicyari! ¡Cancunapac ladopi cacpi, cayaichicyari!

SAN LUCAS 4:18

“Ñucaca Diospac Espirituhuanmi cani. Diosca huacchacunaman alli huillaita huillachunmi ñucataca acllashca. Shungupi llaquilla causaccunata alliyachichunmi cacharca. Prezucunata cacharinata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunmi cacharca.

SALMOS 119:151

Mandac Dioslla, canca ñuca cuchullapimi cangui. Can mandashcacunaca cashcata nic rimashcacunami.

2 REYES 22:19

Cai llactatapish, cai llactapi causaccunatapish llaquichisha nicushcata Mandac Dios ñucapac ñaupapi uyashpami, yallita cambac shungupi nanarishpa, llaquilla tucushcangui. Shina llaquirishpami, cambac churanatapish lliquirishpa, Mandac Dios ñuca ñaupapi huacarcangui. Can chashna llaquirishcataca Mandac Dios ñucaca uyarcani.

EZEQUIEL 36:31

Chaimantami cancunaca mana alli causashcatapish, millana juchacunata ruhuashcatapish yuyarishpa, cancunallatac pingaringuichic.

SALMOS 75:1

¡Dioslla, pagui ninchicmi! ¡Cutin cutinmi pagui ninchic! Cambac shutica ñuca cuchupimi. Tucuimi can imata ruhuashcacunataca huillancuna.

2 REYES 20:5

«Ñuca acllashcacunata mandac Ezequiaspacman cutirishpa: “Cambac taita Davidta Mandac Diosca: ‘Can mañashcataca uyanimi. Cambac huiquitapish ricunimi. Cantaca alliyachigrinimi. Quimsa punzha quipaca Mandac Dios ñuca huasiman ringui.

SALMOS 18:7

Pai piñaricpica, cai pachaca mancharinatami chucchurca. Jatun urcu callari rumicunapish chucchurcami.

SALMOS 145:19

Paita manchaccuna ima munashcataca pactachingami. Shinallatac caparishpa mañashcata uyashpami quishpichinga.