SALMOS 34:15 - Dios Rimashcata Quillcashcami

¹⁵ Mandac Diosca cashcata ruhuaccunataca paipac ñahuihuanmi ricuracun. Paicuna caparishpa mañashcatapish uyaracunmi.

SALMOS 34:15 Referans Kwoze

1 PEDRO 3:12

Mandac Diosca cashcata ruhuaccunataca cuidanmi, shinallatac mañashcata uyangapacpish shuyaracunmi. Ashtahuanpish mana allita ruhuaccunataca piñanmi» ninmi.

SALMOS 34:17

Cashcata ruhuaccuna caparishpa Mandac Diosta mañacpica, paica uyashpa tucui llaquimanta llucchircami.

SALMOS 33:18

Ashtahuanpish Mandac Diospac ñahuica paita manchaccunata, pai llaquichun nishpa shuyacuccunatami ricucun.

JOB 36:7

Cashcata ruhuaccunataca cuidanmi. Jatun mandaccunahuan tiyarinapi tiyachishpami, huiñaipac jatunyachin.

SALMOS 34:6

Cai huaccha runa caparishpa mañacpica, Mandac Diosca uyashpami tucui llaquicunamanta llucchirca.

SALMOS 130:2

Jatun Dioslla, ñuca mañashcata chasquiyari. Ñuca mañashcata cambac ringrihuan uyaiyari.

2 CRÓNICAS 6:40

Cunanca ñuca Dioslla, caipi canta mañashcataca cambac ñahuihuan ricunguiyari. Cambac ringrihuan uyanguiyari.

SALMOS 37:27

Mana allimanta anchurishpa allita ruhuai. Chashna ruhuashpami huiñaita causangui.

ZACARÍAS 8:16

Cancunaca caicunatami ruhuana canguichic: Caishuc-huan chaishuc-huan cashcallata parlaichic. Cashcallata ruhuashpa taripaichic. Chashna ruhuashpami cushilla causanguichic.

ZACARÍAS 8:19

«Judá llactapi causaccuna chuscu quillapi, pichca quillapi, canchis quillapi, chunga quillapi ayunanaca yallita cushicuna fiesta punzhacunami tucunga. Chaimanta cashcata ninata, cushi causaita munaichic» nirca.