SALMOS 33:5 - Dios Rimashcata Quillcashcami

⁵ Mandac Diosca cashcata ruhuanata, allita ruhuanatami munan. Paipac cuyaica cai pachapica jundami.

SALMOS 33:5 Referans Kwoze

SALMOS 11:7

Mandac Diosca cashcata ruhuac cashcamantami imatapish cashcallata ruhuachun munan. Paipac ñahuitaca cashcata ruhuaccunallami ricunga.

SALMOS 119:64

Mandac Dioslla, tucui cai pachapi causaccunatami llaquingui. Can mandashcacunataca yachachiyari.

SALMOS 45:7

Canca cashcata ruhuactami cuyangui. Millaita ruhuactaca piñanguimi. Chaimantami cambac Diosca can jatun mandacta acllashca. Mishquilla ashnacuc aceitehuan cahuishpami, canhuan puric caishuccunamanta yalli cushicuita cushca.

HECHOS 14:17

Chashna cacpipish, Diosca tamyahuan granota pucuchishpa, mana nicta carashpami cushichicun. Chashna allita ruhuashpami, pai pi cashcata ricuchin— nirca.

SAN MATEO 5:45

Chashnami jahua pacha Diospac huahuacuna canguichic. Paica allicunaman, mana allicunaman, paita cazuccunaman, mana cazuccunamanmi intitapish, tamyatapish cachanlla.

SALMOS 104:24

¡Mandac Dioslla, can ruhuashcacunaca mana yupaipacmi! Tucui chaicunataca allita yachac cashcamantami ruhuarcangui. Cai pachapica can ruhuashcacunami jundan.

HEBREOS 1:9

Canca cashcata ruhuanatami munangui. Mana allita ruhuanataca piñashcanguimi. Chaimantami cambac Dios ñucaca, caishuccunamanta yalli canman cushicuita cungapac canta acllashcani nini” ninmi.

SALMOS 99:4

Tucuita ruhuac Jatun Mandaclla, canca cashcata ricushpami mandangui. Cashcata ruhuanataca canmi callarichircangui. Canmi Jacobopac huahua huahuapurapica allita ricushpa mandashpa, imatapish cashcata ruhuacungui.

JEREMÍAS 9:23

Mandac Diosca: «Yachac runapish, pai yachashcamantaca ama allimi cani nichun. Sinchi runapish, sinchi cashcamanta ama allimi cani nichun. Chayuc runapish, chayuc cashcamantaca ama jatun tucuchun.