SALMOS 33:3 - Dios Rimashcata Quillcashcami

³ Mushuc cantohuan cantaichicyari. Cushicushpa sumac tonota tocaichicyari

SALMOS 33:3 Referans Kwoze

ISAÍAS 42:10

Mandac Diostaca mushuc cantohuan cantaichicyari. Tucui llactacunapi causaccuna alabaichicyari. Mama cuchata puriccunapish, chai yacupi tiyaccunapish, mama cucha patapi tiyac llactacunapish, chaipi tiyaccunapish alabaichicyari.

EFESIOS 5:19

Salmocunatapish, Diospac Espíritu yuyachishca sumac cantocunatapish caishuc chaishuc parlanacuichic. Apunchic Jesucristota tucui shunguhuan “allimari cangui” nishpa cantaichic.

1 CRÓNICAS 25:7

Paicunapish, paicunapac huauquicunapish Diosta servingapac alli yachacushca, ishcai patsac pusac chunga pusacmi carca.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuc-huan yachachinacushpa, catina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Diosta pagui nishpa “allimari cangui” nishpa cantaichic.

SALMOS 96:1

¡Mandac Diostaca mushuc cantohuan cantaichic! ¡Mandac Diostaca tucui cai pachapi causaccuna cantaichicyari!

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.

SALMOS 144:9

Sumac Dioslla, cantaca mushuc cantohuanmi cantasha. Chunga cuerdayuc tocanapi tocashpami cantasha.

SALMOS 98:1

¡Mandac Diostaca jatun mancharinacunata ruhuashcamanta mushuc cantohuan cantaichicyari! Paipac alli maquihuan, jucha illac rigrahuanmi mishachirca.

1 CRÓNICAS 13:8

Davidpish, tucui israelcunapish Mandac Diospac ñaupapimi arpapi, panderopi, salteriopi, cimbalopi, trompetapi tocashpa, cantashpa cushicurca.

APOCALIPSIS 14:3

Chaicunaca mushuc cantotami mandashpa tiyarinapac ñaupapi, chuscu causaita chariccunapac ñaupapi shinallatac ishcai chunga chuscu yuyaccunapac ñaupapi cantacurcacuna. Chai cantotaca pipish mana yachacui pudircachu, ashtahuanpish chai pasac chuscu chunga chuscu huaranga cai pachamanta quishpirishcacunallami yachacurca.

SALMOS 149:1

¡Mandac Diosta alabaichicyari! Mandac Diostaca mushuc cantohuan cantaichicyari. Mandac Diospaclla tandanacushcapi alabaichicyari.

SALMOS 40:3

Ñuca shimipica mushuc cantotami churarcangui. Chai cantohuanmi ñuca Diosta alli nini. Chaita ricushpaca achcacunami mancharishpa, paicunapac shungutaca Mandac Diospi churanga.

2 CRÓNICAS 34:12

Chai runacunami Diospac huasitaca allita ruhuarcacuna. Paicunata ricuccunaca levitapuramanta, Meraripac huahua huahuapuramanta Jahat, Abdías, shinallatac Cohatpac huahua huahuapuramanta Zacarías, Mesulammi carca. Tucui levitacunaca tocanata allita yachaccunami carca.

1 CRÓNICAS 15:22

Tocanapi Levitacunata pushac Quenaniastami cantanata yachachishpa pushachun churarca. Paica tocanata alli yachacmi carca.

SALMOS 40:4

Jatun tucushcacunatapish, ruhuashcalla dioscunahuan llullashpa, pandachiccunatapish mana catishpa, Mandac Diospi shunguta churacca cushicunmi.