SALMOS 33:2 - Dios Rimashcata Quillcashcami

² Mandac Diostaca arpapi tocashpa pagui nichicyari. Chunga cuerdayuc tocanacunapi tocashpa cantaichicyari.

SALMOS 33:2 Referans Kwoze

SALMOS 144:9

Sumac Dioslla, cantaca mushuc cantohuanmi cantasha. Chunga cuerdayuc tocanapi tocashpami cantasha.

ÉXODO 15:20

Chaimantami Aaronpac pani, Dios ima nishcata huillac Mariaca panderota japishpa, huactai callarirca. Shina huactacpica, shuctac huarmicunapish cantashpa, danzashpami catirca.

APOCALIPSIS 14:2

Chaipac quipa jahua pachamantaca achca yacu huaj nicuc shina, urcucuna sinchita tulun nicuc shina, shinallatac tauca tocaccuna arpapi tocacuc shinami uyarirca.

APOCALIPSIS 5:8

Pillushca pangata ña japicpica, chai chuscu causaita chariccunapish, chai ishcai chunga chuscu yuyaccunapish Pactalla Ovejapac ñaupapimi cungurircacuna. Tucui paicunaca arpacunatami charicurcacuna. Curi vasocunapipish incienso jundatami charicurcacuna. Chai inciensoca Diospaclla caccuna Diosta mañashcacunatami nisha nin.

SALMOS 92:3

Chunga cuerdayuc tocanapi, salteriopi, arpapi sumacta tocashpami cantani.

1 CRÓNICAS 25:6

Paicuna Mandac Diospac huasipi platillopi, salteriopi, arpapi tocashpa servicucpica, paicunapac taita Hemanmi yachachishpa pusharca. Asafta, Jedutunta, Hemantaca jatun mandacmi mandacurca.

1 CRÓNICAS 25:3

Jedutunpac sucta churicunaca: Gedalías, Zeri, Jesaías, Simei, Hasabías, shinallatac Matatiasmi carca. Paicunataca, paicunapac taita Jedutunmi arpapi tocashpa, Mandac Diosta allimari cangui nishpa, Dios ima nishcata huillashpa pushacurca.

1 CRÓNICAS 15:28

Chashnami Davidca Mandac Dios ari nishca quillcata huacaichina Arcataca tucui israelcunahuan yallita cushicushpa, cantashpa, bocinacunapi, trompetacunapi, platillocunapi salteriocunapi, sinchita tocashpa aparcacuna.

1 CRÓNICAS 15:16

Shinallatac Davidca levitacunata mandaccunataca: “Salteriopi, arpapi, platillocunapi sinchita tocashpa cantashpa richun cancunapac aillucunata acllaichic” nirca.

2 SAMUEL 6:5

Davidpish, tucui israelcunapish cushicushpami caspimanta ruhuashca arpapi, panderopi, salteriopi, flautapi, cimbalopi tocashpa Mandac Diospac ñaupapi danzarca.

SALMOS 149:3

Paipac shutitaca danzashpa alabaichicyari. Paitaca panderopi, arpapi tocashpa cantaichicyari.

SALMOS 71:22

Dioslla, canllatami salteriopi tocashpa alabasha. Israelcunapac jucha illac Dioslla, can imatapish pactachic cashcataca arpapi tocashpami cantasha.

SALMOS 92:4

Mandac Dioslla, can ruhuashcacunahuanca cushichishcanguimi. Cambac maquicunahuan ruhuashcata ricushpami yallita cushicuni.