SALMOS 33:16 - Dios Rimashcata Quillcashcami

¹⁶ Pi jatun mandacpish achca soldadocunallahuanca mana quishpiri pudinchu. Jatun sinchi runapish pai fuerzata charishcallamantaca mana quishpiri pudinchu.

SALMOS 33:16 Referans Kwoze

SALMOS 44:3

Chai llactataca mana paicunapac espadahuan, mana paicunapac rigrahuan macanacushpachu japirca. Ashtahuanpish can cuyashcamantami paicunapac ñaupaman achiclla shamushpa, cambac poderhuanmi mishachircangui.

JEREMÍAS 9:23

Mandac Diosca: «Yachac runapish, pai yachashcamantaca ama allimi cani nichun. Sinchi runapish, sinchi cashcamanta ama allimi cani nichun. Chayuc runapish, chayuc cashcamantaca ama jatun tucuchun.

2 CRÓNICAS 20:23

Amonitacuna, moabitacunaca Seir urcumanta shamuccunata huañuchishpa, tucuchingapacmi jatarircacuna. Paicunata tucuchishca quipaca, paicunapurallatacmi huañuchinacurca.

JUECES 7:2

Chaipimi Mandac Diosca Gedeontaca: «Madianitacunata cambac maquipi churangapacca canhuanca yallimana gentecunami. Chashna israelcunaca achca cashpaca: “Ñucanchic alli sinchi cashpami macanacuita mishashcanchic” nishpa, ñucata piñachingacunami.

ÉXODO 14:28

Chashna catishpa ricucpimi, cutin yacu tandarishpa carretacunatapish, caballopi ric soldadocunatapish, Egipto runacunatapish tucui taparca. Paicunamantaca shucllapish mana saquirircachu.

2 CRÓNICAS 32:21

Shina mañacpimi, Mandac Diosca shuc angelta cachashpa Asiria llactata jatun mandacpac carpapi cac yallita sinchi imatapish mana manchac soldadocunatapish, mandaccunatapish, chai soldadocunata mandaccunatapish huañuchirca. Chaimantami chai jatun mandacca yallita pingai tucushpa, paipac llactaman cutishpa, paipac diospac huasiman yaicurca. Chai ucuman yaicucpimi, paipac churicunallatac espadahuan huañuchirca.

2 CRÓNICAS 20:12

Ñucanchic Mandac Dioslla, paicuna chashna ruhuashcamanta llaquichiyari. Ñucanchic-huan macanacungapac shamuc achca gentecunahuan shayaringapacca mana fuerzata charinchicchu. Ima ruhuanatapish mana yachanchicchu, ashtahuanpish canllatami chaparacunchic» nirca.

1 SAMUEL 17:4

Chashna cacpimi, filisteopuramanta Gat pueblopi causac macanacunata alli yachac Goliat llucshirca. Paica quimsa metro yalli altomi carca.

JOSUÉ 14:12

Chai punzhapi Mandac Dios nishca shinallatac chai urcucunataca ñucaman cuiyari. Chai punzhacunapica canllatacmi chai llactapi anaquitacuna causashcata, pueblocunapish muyundi pircashca cashcata, jatun pueblocuna cashcatapish uyarcangui. ¡Shina cacpipish, Mandac Dios nishca shina, pai ñucahuan cashcamantaca chai runacunataca chai pueblocunamanta llucchishpa cachashallami!— nirca.

1 REYES 20:10

Shina huillacpimi, Ben-adadca Acabman huillachun cutin cachashpaca: «Cai Samaria puebloca ñuca soldadocuna maqui junda allpata apashpa ringapacpish mana pactangachu. Mana chashna ruhuacpica, ñuca dioscuna yallita llaquichichun» nishpa cacharca.

JUECES 7:4

Ashtahuanpish Mandac Diosca Gedeontaca: «Chairac achca gentecunami. Chaimanta yacu ladoman gentecunata apai. Chaipimi ñucaca imata ruhuanata ricuchisha. Chaipica: “Caimi canhuan ringa” nicpica, paica canhuan ringami. Ashtahuanpish: “Caica mana canhuan ringachu” nicpica, paica mana canhuan ringachu» nirca.

1 SAMUEL 2:9

Paimi paihuan causaccunataca maita purinapipish huacaichin. Ashtahuanpish paita mana manchaccunaca pura tutapimi chingaricun. Pipish paipac fuerzallahuanca imatapish mana ruhuai pudingachu.

1 REYES 20:15

Chashna nicpimi, Acabca llactacunata mandaccunapac ishcai patsac quimsa chunga ishcai serviccunata, shinallatac tucui israelcunatami allichirichun nishpa huillarca. Paicunaca canchis huarangami carca.

2 CRÓNICAS 13:8

Cunanca, cancuna achca cashcamanta, cancunapac dioscuna cachun Jeroboam ruhuachishca curi becita charishpami, Davidpac huahua huahuacuna mandachun Mandac Dios cushcataca mana cazushun ninguichic.

JOB 36:7

Cashcata ruhuaccunataca cuidanmi. Jatun mandaccunahuan tiyarinapi tiyachishpami, huiñaipac jatunyachin.

JOB 39:11

¿Chai huagra fuerzasapa cashcamantaca yapungallami yuyanguichu? ¿Tucui trabajota chai huagrahuan tucuchi pudinguichu?

SALMOS 20:8

Paicunaca mishacpimi irquiyashpa urmancuna. Ashtahuanpish ñucanchicca sinchitami shayacunchic.

ECLESIASTÉS 9:11

Inti achicyachicuc cai pachapica caitapish ricurcanimi: Jatun callpaipica mana sinchi callpaccunachu mishan. Macanacuipipish mana sinchicunachu mishan. Micunatapish mana yachaccunallachu micun. Mana yuyaisapacunallachu chayucyan. Mana allita rimaccunallachu alli nishca can. Ashtahuanpish tucuimanmi alli punzhapish, mana alli punzhapish shamun.

JEREMÍAS 48:14

¿Ima shinatac cancunaca: “Ñucanchicca alli sinchimi canchic. Alli macanacuc carimi canchic” ninguichicyari?

OSEAS 10:13

Cancuna tarpuc shina mana allita ruhuashpaca, mana allitami cosecharcanguichic. Shinallatac imapish pucushcata micuc shinami llullashcanguichic. Cancunaca, cancunapac ruhuashcapi, achca sinchi runacunapimi shunguta churashpa causashcanguichic.

AMÓS 2:14

Shina ruhuacpica, yalli callpac runapish mana callpai pudingachu. Yalli sinchi runapish fuerza illacmi saquiringa. Yalli piña runapish mana quishpiringachu.

AMÓS 2:15

Flechata cacharicpish, mana cachari pudingachu. Yalli callpac runapish mana miticui pudingachu. Caballopi ric soldadopish mana quishpiri pudingachu.