10 Diosta mana manchactaca jatun nanaicunami japinga. Ashtahuanpish Mandac Diosta shuyactaca paipac cuyaihuanmi pilluchic shina huacaichinga.
Yachachishpa rimashcata cazuc runami allita japinga. Mandac Diospi shunguta churashpa causac runaca cushicungami.
Juchayuccunataca llaquimi catiranga. Ashtahuanpish cashcata ruhuaccunaca imapish allicunatami japinga.
Mandac Diosca paita manchaccunahuan shinallatac pai llaquichun shuyaccunahuanmi cushicun.
Jacobopac Dios ayudashca causaccuna cushicuichic. Mandac Diospi shunguta churashpa causaccuna cushicuichic.
Mandac Dios alli cactaca cancunallatac ricushpa yachaichicyari. ¡Paipi miticuc runaca maimi cushicun!
Can Mandac Diosllami cashcata ruhuaccunamanca bendiciangui. Cambac cuyaihuanmi escudohuan muyundita jarcac shina cuidangui.
Yallimana cullquita charina munaica tucuilaya millaicunapimi urmachin. Maijancunaca cullquita charinata yallita munashpami crinatapish saquishpa, tauca llaquicunatapish aparcacuna.
¡Tucuita Mandac Dioslla, canpi shunguta churaccunaca maimi cushicunga!
Shuctac diosta serviccunaca yallitami nanaicunahuan canga. Ñucaca chai dioscunamanca ima animalcunapac yahuarta cushpa, mana chirapashachu. Chaicunapac shuticunataca mana rimashachu.
Paipac churita alli nichic, pacta piñarinman. Paica nina japiric shinami piñaringa. ¡Paipi shunguta churaccunaca cushicuichicyari!
¡Aij, Diosta mana manchac runalla! Yalli llaquimi tucunga. Paicunapac maquihuan mana allita ruhuashca shinallatacmi mana allita japinga.
Juchayuc runa patsac cutin millaita ruhuacpipish unaita causacpipish, ñucaca Diosta manchashpa, paipac ñaupapi allita causac runa alli llucshic cashcatami yachani.
Imatapish rimaric runaca cai pachapica mana unaita causangachu. Llaquichic runataca millaillatacmi tangac shina apashpa tucuchinga.
Jatun tucushcacunatapish, ruhuashcalla dioscunahuan llullashpa, pandachiccunatapish mana catishpa, Mandac Diospi shunguta churacca cushicunmi.
Ñucata Mandac Diosca: «¡Ñucata mana manchaccunamanca cushi causaica mana tiyangachu!» ninmi.
Mandac Diosca millaicunapac jahuapica ninatapish, rupacuc azufretapish tamyachingami. Tucuita tucuchic tamya huairatapish cachangami. Tucui caicunami copamanta ubiana llaquicuna shina canga.