SALMOS 31:3 - Dios Rimashcata Quillcashcami

³ Canca ñuca jarcarina jatun rumipish, muyundi jatun pircapish canguimi. Can jatun cashcata yachachunca alli ñanta cuidashpa pushaiyari.

SALMOS 31:3 Referans Kwoze

SAN LUCAS 1:79

Amsapi causaccunatapish, purapi huañunalla causaccunatapish achicyachishpami, ñucanchicta sumac causai ñanta pushangami» nirca.

SALMOS 79:9

Ñucanchicta quishpichic Dioslla, cambac sumaimana shutimanta ayudaiyari. Cambac shutita cuyashcamanta ñucanchic juchacunata perdonashpa quishpichiyari.

SAN JUAN 16:13

Cashcata nic Diospac Espíritu shamushpaca, mana paipac munaillamantachu rimanga, ashtahuanpish imata uyashcallatami huillanga. Chaimantami cashcata ruhuanata yachachinga. Shinallatac tucui imalla tucugricushcatapish yachachinga.

JEREMÍAS 14:7

Mandac Dioslla, ñucanchic juchacunallatac ñucanchic mana alli cashcata ricuchicucpipish, cambac shutita cuyashcamanta quishpichiyari. Ñucanchicca canta mana cazushpa, juchata ruhuashpami yallita canta piñachircanchic.

ISAÍAS 49:10

Paicunataca yarcaipish, yacunayaipish mana japingachu. Intipish mana rupachingachu. Paicunata llaquic, Dios ñucami yacu llucshic pushtuman pushasha.

SALMOS 139:24

Ñucaca millaita ruhuarcanichari, chaitaca ricuiyari. Chaicunata ricushpa huiñaita causangapac rina ñanta pushaiyari.

SALMOS 43:3

Cambac achiclla luztapish, cashcata rimanatapish cuiyari. Chaicunami cambaclla urcuman, can causacuc huasiman pushanga.

SALMOS 25:11

Mandac Dioslla, ñucaca jatun juchatami ruhuashcani. Cambac shuti alli nishca cachunca perdonaiyari.

SALMOS 25:5

Ñucata quishpichic Dioslla, cantami punzhanta shuyani. Cashcata ruhuanata yachachic ñanpi churashpa yachachiyari.

NEHEMÍAS 9:12

Chashnami israelcunataca punzhaca suni puyuhuan, tutaca suni ninahuan achicyachishpa, maita rinata pusharcangui.

SALMOS 25:9

Yangalla runacunataca cashcata ruhuashpami pushan. Alli shungucunataca alli causanatami yachachin.

SALMOS 18:2

Mandac Dioslla, jatun rumimari cangui. Ñucata cuidashpa, llaquimantapish quishpichicmi cangui. Ñuca Dioslla, muyundita jarcac jatun pirca shinami cangui. Canpimi miticusha. Ñucata jarcac escudomi cangui. Tucuimanta yalli jatun ñuca miticunamari cangui. Ñucata quishpichicmi cangui.

NEHEMÍAS 9:19

Canca yalli cuyac cashpami, shitashca pambapi mana saquircangui. Punzhapi paicunata pushac suni puyupish, tutapi paicunata pushac, suni ninapish mana anchurircachu.

JOSUÉ 7:9

Chashna tucushcata cananeocunapish, cai llactapi tucui causaccunapish yachashpaca, ñucanchicta muyunacushpami, ñucanchic shuticunatapish cai pachamanta chingachinga. Chashna ruhuacpica, cambac jatun shuti alli nishca catichunca, ¿imatatac ruhuagringuiyari?— nirca.

EFESIOS 1:12

Chashna ruhuashpaca, ñucanchicrac punta Apunchic Jesús yuyailla cashpa, Diosta “allimari cangui” nichunmi chashnaca ruhuarca.

SALMOS 71:3

Ñuca huiñaita miticungapac rina jatun rumi caiyari. Canca ñuca miticuna jatun rumi shina, muyundita jatun pircashca shinami cangui. Canca ñucata quishpichic cangui.

SALMOS 102:3

Ñuca causaica cushni chingaric shinami tucuricun. Ñuca tullucunaca yanta ninapi rupacuc shinami rupacun.

SALMOS 116:2

Paipac ringrihuanmi ñuca mañashcata uyarca. Chaimantami tucui ñuca causaipi paita mañacushalla.